Isinulat ni Ceri Naz

Masipag ba o sadyang tamad at matigas lang talaga ang ulo ni Juan? Ikaw sa tingin mo? Pinoy ka di ba? Ikaw ba, masipag o tamad? Marahil lahat naman tayo ay may ganitong pag-uugali, Oo nga naman syempre tao tayo nagkakamali din ngunit kalabisan na bang maituturing ang paulit-ulit na pagkakamali?

Ang pag-asenso ng isang bansa ay nakasalalay sa mga mamamayan nito. Ngunit bakit ganun? Sinasabi nila na pang-world class daw ang kasipagan ng mga Pilipino pagdating sa larangan ng mga kakayahan. Kung gayon, bakit mahirap ang ating bansa? Napakaraming dahilan kung bakit napakahirap ng ating bansa at kung tatalakayin ay siguradong mauuwi lamang ito sa sisihan. Ngunit sino nga naman talaga ang dapat sisihin?

Pagdating sa larangan ng trabaho kung ating pag-uusapan, marami naman talagang trabaho kaso ang nagiging problema napaka-choosy o pagkamapili kasi nating mga Pilipino pagdating sa trabaho, yung iba ayaw madudumihan, yung iba ayaw maiinitan at yung iba ayaw ng napapagod sila. Sa madaling salita karamihan sa atin tamad. Sa bagay kung iisipin, kung nakapagtapos ka ng isang titulo sa kolehiyo syempre ang hahanapin mong trabaho ang yung tinapos mo dahil nandun ang iyong pagkaespesyalista at hilig. Ngunit kung ating papansinin ang panahon sa ngayon, dapat pa ba nating maging mapili sa trabaho?

Image Source: http://hay-buhay-nga-naman.blogspot.com/