Isinulat ni Lakbay Diwa
"Mga Larong Pinoy" Pagkabilang kong tatlo nakatago na kayo! Isa! Dalawa! Tatlo!.....
mga salita na nagmumula sa taya sa larong "Taguan o Tagu-taguan"
Nakakatuwang isipin at balikan ang ating mga kabataang araw na kung saan pakikipaglaro sa ating mga kaibigan ang ating pangunahing libangan. Nakakamiss din pala ang mga panahon na yun, kahit na tirik ang araw at tagiktik ang pawis dulot ng matinding init na nagmumula dito ay tuloy pa din ang laro. Masarap maging bata, masarap maglaro ng ating mga kinagisnang laro.
Natutuwa at napapangiti na lang ako sa tuwing maaalala at makikita ko ang mga kalaro at mga kaibigan ko sa pagkabata. Bigla ko na lang kasi naaalala ang mga panahon na yun, mga panahon na ramdam na ramdam namin ang kamuwangan ng pagkabata. Tuwang-tuwa kami kahit ang dudungis namin dahil sa pawis at dumi ng paligid kasama na rin ang aming mga nilalaro.
mga salita na nagmumula sa taya sa larong "Taguan o Tagu-taguan"
Nakakatuwang isipin at balikan ang ating mga kabataang araw na kung saan pakikipaglaro sa ating mga kaibigan ang ating pangunahing libangan. Nakakamiss din pala ang mga panahon na yun, kahit na tirik ang araw at tagiktik ang pawis dulot ng matinding init na nagmumula dito ay tuloy pa din ang laro. Masarap maging bata, masarap maglaro ng ating mga kinagisnang laro.
Natutuwa at napapangiti na lang ako sa tuwing maaalala at makikita ko ang mga kalaro at mga kaibigan ko sa pagkabata. Bigla ko na lang kasi naaalala ang mga panahon na yun, mga panahon na ramdam na ramdam namin ang kamuwangan ng pagkabata. Tuwang-tuwa kami kahit ang dudungis namin dahil sa pawis at dumi ng paligid kasama na rin ang aming mga nilalaro.
Images Source: http://palarongpinoy.multiply.com/journal
/item/12/LET_THE_CHILDREN_PLAY
/item/12/LET_THE_CHILDREN_PLAY
Dahil sa kalibangan, madalas tuloy kami napapagalitan at napapalo ng mga aming mga magulang. Makukulit at malilikot din kasi kami noon, syempre bata pa kami noon. Lahat naman tayo dumadaan sa panahon na iyon, parte yun ng ating buhay at natural lang yun. Nakakatuwa at napakasarap alalahanin ang mga araw na yun, ang araw-araw na paglalaro ng tagu-taguan, agawan base, tumbang preso, mataya-taya, patintero, luksong baka o tinik, sipa o sepak takraw, bangsak, touch-Q (parang mataya-taya din), Dr. Quack-Quack, langit-lupa, kumang, komang o umang (yung nasa shell), maglaro ng salagubang, maglaro ng langgam o mga insekto gaya ng tutubi, maglaro ng gagamba (isa sa mga paborito ko dati pero takot naman makagat) at sa mga kabataang babae naman piko, luto-lutuan o bahay-bahayan na kung minsan bumibili pa sila talaga ng mga chichirya para lutuin at kainin, kung minsan naman dahon at lupa na hahaluan ng tubig para magmukhang tsokolate. Nakakatuwang isipin at alalahanin. Ikaw ba naranasan mo din ba ang mga larong iyan?
Sa mabilis na paglipas at makabagong panahon sa ngayon, nakakalungkot isipin na tila parang bula o kandilang nauupos ang sindi ang paglaho ng ating mga kinagisnang laro. Sa aming lugar wala na ang mga kabataan na nagdudulot ng ingay buhat ng kanilang paglalaro gaya ng habulan at iba pang laro. Sa inyo ba meron pa ba? Napaisip tuloy ako, pakiramdam ko huling batch na ng mga kabataan ang panahon namin noon na nagsisipaglaro ng mga larong iyon. Sa bagay dahil na din sa makabagong panahon sa ngayon, karamihan sa mga kabataan sa ngayon ay hindi na alam o hindi alam ang mga larong tila ipinamana ng mga nakakatanda sa atin at ng panahon, sa halip ang mga natatanging nalalaman nilang laro ay gaya ng DOTA, Online-Games o anumang Computer Games.
Wala namang masama sa pakikibagay sa daloy ng modernong panahon ngunit sana hindi mistulang mabaon sa limot ang ating mga nakagisnang laro na halos ipinamana at inimpluwensiya pa sa atin ng ating mga ninuno. Sana lang hindi tayo matutong makalimot sa panahon na ating mga naranasan.
Wala namang masama sa pakikibagay sa daloy ng modernong panahon ngunit sana hindi mistulang mabaon sa limot ang ating mga nakagisnang laro na halos ipinamana at inimpluwensiya pa sa atin ng ating mga ninuno. Sana lang hindi tayo matutong makalimot sa panahon na ating mga naranasan.
