Isinulat ni Lakbay Diwa
Pamilyar ka ba sa mga ito : Walang Tawiran Nakamamatay, Bawal Tumawid May Namatay Na Dito, Bawal Umihi Dito, Bawal Magtapon Ng Basura Dito, No Right Turn, No Left Turn, One Way, No Smoking, No Loitering, No Standby Allowed Here, No Spitting, Slowdown School Zone Here, No Horn Blowing at kung anu-ano pa na nagbibigay paalala at babala sa ating lahat. Kung isa kang Pinoy siguradong pamilyar ka na dito. Bakit nga naman hindi eh tila ang mga karatulang ito ay nakikipagsabayan sa mga naglalakihang Advertisement Ads o Billboard na makikita sa mga pangunahing kalsada sa ating bansa. Pero ang tanong napapansin nga ba at napapatupad ng tama?
Image Source: http://hopyamanipopcorn.blogspot.com
/2011/02/bakit-tamad-tumawid-ang-mga-pilipino.html
/2011/02/bakit-tamad-tumawid-ang-mga-pilipino.html
Nakaagaw pansin sa akin kaninang umaga ang isang Flash Report sa telebisyon tungkol sa isang 13-anyos na bata na di umano'y biktima ng Hit and Run. Ang nasabing insidente ay nangyari lamang malapit sa aming lugar, ito ay malapit sa EDSA (Epifanio Delos Santos Avenue). Hindi ko na ito ikinagulat sapagkat madami ng ganitong pangyayari sa nasabing lugar. Sa totoo lang may Foot Bridge naman doon ngunit pagsapit ng gabi ay tuluyang namamayani ang dilim, tanging ilaw lamang ng mga sasakyan at ilang establishments ang nagbibigay liwanag na tila alitaptap sa kalamigan ng gabi. Sabi ng ilan kaya daw sila tumatawid sa kalsada ay dahil pinamumungaran ng mga holdaper o snatcher ang nasabing foot bridge. Ika nga nila "Mas mabuti ng makipag-patintero sa mga sasakyan kaysa ma-holdap". Sabagay hindi mo nga din sila masisisi dahil kahit ako mismo ay nakikiramdam sa tuwing dadaan sa nasabing foot bridge. Sabi pa nga nila "May foot bridge nga madilim naman sa gabi".
Sino nga ba ang may pagkukulang, matigas at manhid? Ang gobyerno o ang mamamayang nasasakupan nito? Sa totoo lang maganda at napakalaking tulong ng mga karatulang ito ngunit may pagkukulang at pagpapabaya na nangyayari. Tama ba na pam-papogi o pam-paganda lamang ito sa ating lansangan? Karamihan kasi sa atin ay pinamamayani ang kamanhidan at katigasan ang ulo, ayaw sumunod sa sariling patakaran. Hindi kaya isa ito sa kadahilanan kung bakit tayo napag-iiwanan? Nakakalungkot isipin na mabuti pa ang mga billboard ating napapansin, napaglalaanan ng oras upang tanawin at basahin ang nilalaman nito.
Sino nga ba ang may pagkukulang, matigas at manhid? Ang gobyerno o ang mamamayang nasasakupan nito? Sa totoo lang maganda at napakalaking tulong ng mga karatulang ito ngunit may pagkukulang at pagpapabaya na nangyayari. Tama ba na pam-papogi o pam-paganda lamang ito sa ating lansangan? Karamihan kasi sa atin ay pinamamayani ang kamanhidan at katigasan ang ulo, ayaw sumunod sa sariling patakaran. Hindi kaya isa ito sa kadahilanan kung bakit tayo napag-iiwanan? Nakakalungkot isipin na mabuti pa ang mga billboard ating napapansin, napaglalaanan ng oras upang tanawin at basahin ang nilalaman nito.
