La Mesa Eco-Park (It's more fun in Quezon City)

Isinulat ni Lakbay Diwa

Entrance to the La Mesa Eco-Park

It's more fun in the Philippines. It's more fun in Quezon City
An adventurous gateway to La Mesa Eco-Park

Naghahanap ka ba ng lugar na pwedeng puntahan sa loob lang mismo ng Metro Manila dahil sa ayaw mong lumayo. Lugar na kung saan maaari kang mag-enjoy, mag-muni-muni at pansamantalang makalayo sa ingay at stress na dala ng lungsod. Madaming lugar na pwedeng puntahan sa Metro Manila na magdadala sayo nang aliw at ligaya, isa na dito ang La Mesa Eco-Park sa Fairview, Quezon City. Time-Out na muna ako sa kabundukan.

Ang La Mesa Eco-Park ay isang sanctuary na kinatatabihan ng La Mesa Watershed at dinevelop sa pagtutulungan nang MWSS, ABS-CBN at local na pamahalaan ng Lungsod Quezon. Ito ay may sukat na 33 hectares na tanging mithiin ay mapanatili at maprotektahan ang La Mesa Watershed. Layunin din nito na maipabatid ang importansya at kung paano mapapanatili ang kagandahan ng ating likas na yaman.

---

Matagal ko nang naririnig ang lugar na ito. Laking Q.C. ako pero hindi ko ito napupuntahan kahit noon pa man dahil laging pumapasok sa isip ko na malayo at nakakatamad. Kung gugustuhin ko nang tahimik na paligid ay sa Wildlife na malapit sa Quezon City Hall at Quezon Memorial Circle lang lagi ako nagpupunta dahil nga sa malapit lang ito. Naghanap ako na pwedeng bisitahing lugar na makikita sa Quezon City maliban sa Wildlife at bigla ko ngang naalala ang La Mesa Eco-Park. Nagkaroon ako nang kadahilanan sa sarili na "Nakararating nga ko sa mga probinsyang nakapaligid sa Metro Manila pero yung mga lugar na nasa Lungsod lang hindi ko mabisita."

Pagkatapos nang duty sa trabaho ay dumiretso na ako sa La Mesa Eco-Park. Sinunod ko ang ilang impormasyon na nabasa ko sa ilang blog kung paano pumunta sa lugar na iyon. Sumakay ako ng bus sa East Avenue patungong Fairview at ininform ko ang konduktor ng bus na pakibaba ako sa Winston Street. Pagkatapos ng ilang minuto sa biyahe ay narating ko ang Winston Street at mula dito ay sumakay ako ng tricycle patungong La Mesa Eco-Park. Maiiwasan din ang pagkalagpas sapagkat may makikita kang karatula along Commonwealth Avenue na patungong La Mesa Eco-Park.

Akala ko nung una ay walang pinagkaiba ito sa Wildlife pero napag-alamanan ko na madaming activities at attractions ang pwedeng bisitahin at gawin dito. Ilan lamang sa mga ito ay ang Lopez Picnic Grounds, Salt Water Swimming Pool (salt granules ang ginamit nila sa halip na chlorine), Superferry Boating Lagoon, Fishing Lagoon, Petron Fitness and Mountain Bike Trail, Shell Flower Terraces, Ecomuseum, Butterfly Trail and Hatchery (nakakalungkot dahil hindi ko ito nahanap dahil sa inaantok na ko), Pavilions (pwedeng rentahan), Overnight camping zone, Paintball field, Wall climbing, rappelling at zipline. Nung mga oras na iyon medyo madami-dami na din ang bumibisita mapa-pamilya, magkakaibigan o magkakabarkada at maging magsing-irog man. Nag-enjoy at nag-photo ops lang ako. Nilasap ang katahimikan ng paligid. May mini forest din akong napuntahan sa loob, pakiramdam ko tuloy nung mga oras na iyon ay nag-tetrek ako sa bundok dahil sa trail at huni ng mga ibon. May trail sign din dito katulad nang sa bundok.

Campsite sa Mini Forest?

Trail Sign

Nag-hunt lang din ako ng mga wild birds para sa aking photoshoots. Pagkatapos ng ilang oras na paglilibot at pag-eenjoy sa paligid ay umuwi na ako.

For more images, just click here

Capture Only Memories, Leave No Traces

Looking for more adventures, read about: 

Pagsanjan Falls
Mt. Batulao
Mt. Humarap (Tatlong Krus) and Matabungka Falls
Mt. Gulugod Baboy (Mt. Pinagbanderahan)
Mt. Tagapo
Mt. Talamitam
Mt. Maculot
Mt. Mariveles (Tarak Ridge-Peak)
Hundred Islands