Mt. Balagbag and Kaytitinga Falls (It's more fun in Rodriguez, Rizal)

Mt. Balagbag: Sierra Madre Mountains

It's more fun in the Philippines. It's more fun in Rodriguez, Rizal.
An Adventurous gateway to Mt. Balagbag.

"It's not the mountain we conquer but ourselves."
-Edmund Hillary

After eight (8) months, sa wakas muling nakabalik sa mountaineering activities. Upang salubungin ang bagong taon at bilang hudyat sa magandang simula nang taon ay napagkasunduan namin na pumanik.

Muntik na akong maiwan dahil sa tinanghali ako nang gising! Ang 4:30 AM na dapat na alis namin sa aming meeting place ay naging 5:40 AM, sinira ko agad ang itinerary at muntik na akong maiwan na aking hiking buddies. Nakakahiya talaga pero tinanghali lang talaga nang gising (bawi ako next time).

Madaming magagandang lugar na malapit lang sa Metro Manila ang pwedeng puntahan at pasyalan upang pansamantalang makatakas sa stress at problema na parte nang ating pang araw-araw na pamumuhay sa lungsod. Upang makapag-relax at pansamantalang maliwanagan ang aming magulong isipan ay nagtungo kami sa Mt. Balagbag na matatagpuan sa Rodriguez (formerly Montalban), Rizal. Ang Mt. Balagbag ay parte ng Sierra Madre, napagalaman din na dati itong pinagkukutaan ng mga rebeldeng grupo. Ganap na 6:25 AM nang kami ay makarating sa Terminal ng Jeep sa Tungko kung saan kami sasakay patungong Karahume o Licao-Licao. Madaming trail ang Mt. Balagbag upang matagumpay na marating ang summit nito, sa aming adventure napili namin na tunguhin ang Karahume Trail dahil sa waterfalls nito.

Tungko Jeepney Terminal bound to Karahume or Licao-Licao

Breakfast: Lugaw with Egg

Sa mga nabasa kong blog sa internet tungkol sa adventure sa Mt. Balagbag, ang alam na trail ng karamihan sa mga taga-dito ay sa Licao-Licao ang daan patungong bundok balagbag at amin nga itong napatunayan nung nagtanung-tanong kami sapagkat sa Licao-Licao nila kami tinuturo na magdaan. Dahil sa nais at ang karahume trail nga ang aming napiling daan ay nagtanung-tanong kami kung saan ang trail patungong Kaytitinga Falls, agad naman kaming natulungan ng ilang locals doon. Dahil maging sa tulong ng mga blog sa internet tungkol sa Mt. Balagbag ay nagka-idea kami sa mga tutunguhin naming landas. Ganap na 8:20 AM nang tunguhin namin ang trail mula riverbed patungo sa waterfalls na makikita sa daan na ito. Dito ay napag-desisyunan namin na magpahinga at magpalamig sa talagang malamig nitong tubig.

Pagkatapos nang mahigit trenta (30) minutong biyahe ay nakarating kami sa Karahume at mula dito ay nag-final check kami ng aming mga gamit para sa simula nang aming adventure patungong Mt. Balagbag o kung tawagin din bilang "Helipad" dahil sa lawak ng summit nito. Mababait ang locals dito, maaari silang mapagtanungan sa mga direksyon patungo sa nasabing bundok.

For more images, just click here

First Mini Waterfall

Second Mini Waterfall

Otso-otso Waterfall

Tinawag itong "Otso-otso" Waterfall dahil sa hugis nitong numero otso (8) kung ito ay pagmamasdan mula sa itaas.

The last mini waterfall before the Kaytitinga waterfall

Kaytitinga Waterfall

Ganap na 9:28 AM nang kami ay muling nagpatuloy sa pagpanik patungong summit ng Mt. Balagbag. Masasabi kong naging challenging ang aming adventure na ito dahil sa madulas at matarik na trail sa waterfalls, kaunting pagkakamali mo lang ay siguradong masama ang iyong kahihinatnan.

Dead Snake along Kaytitinga Waterfall

Matapos ang mahaba-habang river trekking at falls hopping ay matagumpay naming narating ang red gate na nagsisilbing palatandaan na malapit ka na sa summit o helipad.

Red Gate to the Summit

Noong mga oras iyon kahit malamig ang ihip ng hangin ay tumatagos at ramdam namin ang matinding sikat ng araw. Hindi namin alam na meron pa lang shortcut trail patungong summit nito kung saan dumaan sila Sir Rex at Sir Jester (Advance Mode sila). Hindi ka maliligaw sapagkat napakalawak ng trail ng Mt, Balagbag. Sa aming pagtahak patungong summit ay iba't-ibang adventure seekers din ang aming mga nakasalubong sa trail, may mga bikers, motocross riders at katulad din naming mga hiker. Syempre hindi mawawala ang mga paalala at batian sa trail. Ganap na 12:32 PM nang matagumpay naming marating ang helipad o summit ng Mt. Balagbag. Mula dito ay tanaw na tanaw ang mga karatig bundok ng Sierra Madre, Mt. Arayat, Mt. Sembrano, Mt. Tagapo, ilang karatig bundok at maging ang mga nagtataasang gusali sa kalayuan ng Metro Manila ay tanaw dito. Hindi na namin alintana ang init na nagmumula sa sikat ng araw, malaking pasasalamat din namin sapagkat kahit papano ay mahangin nung mga oras na iyon. Pagkatapos naming mag-lunch ay kanya-kanya na kaming trip sa buhay kung ano ang aming gagawin. Ang iba ay nagpahinga at nag-siesta (mabuti na lang ay may silong doon na tamang panangga sa matinding sikat nang araw.), sinamantala ko naman ang magandang tanawin mula sa summit nito. Kahit mainit ay hindi ko alintana, i-nenjoy ko ang pagkuha ng mga litrato at video, dinama ang sariwang hangin at masayang pinagmamasdan ang mga tanawin na wala sa lunsod. Ganap na 2:00 PM nang mag-disisyon kami na bumaba na patungong Licao-Licao upang bumalik patungong Quezon City.

Bathtub sa Bundok?

On the way to the Summit

Sierra Madre

Group Picture sa Summit ng Mt. Balagbag

Sana mapanatili ang kaayusan ng bundok at sana maayos na suportahan ito nang ating gobyerno. Nag-enjoy talaga ako (kami) sa day hike adventure. Pakiramdam ko na-relax ako kahit papaano dahil sa napakagandang mga tanawin talaga na nasaksihan ko mula sa summit nito. Pansamantala ulit nakatakas sa ingay at gulo ng lungsod. Sulit ang lakwatsa. More mountains to climb. More places to visit. More memories to be captured and treasured.

Capture Only Memories, Leave No Traces

Looking for more adventures, read about: 

Pagsanjan Falls
Boracay: The flagship beach destination of the Philippines
Mt. Batulao
Mt. Humarap (Tatlong Krus) and Matabungka Falls
Mt. Gulugod Baboy (Mt. Pinagbanderahan)
Mt. Tagapo
Mt. Talamitam
Mt. Maculot
Mt. Mariveles (Tarak Ridge-Peak)
Mt. Sembrano
Hundred Islands
La Mesa Eco-Park
A Photowalk Journey: Manila-Pasay
Manila Seedling Bank: Nature is the art of God
Bakit karamihan sa mga namumundok walang lovelife?
Aking Diwata

Proposed Itinerary - Mt. Balagbag

Dayhike Itinerary

0400 - Meet up at GMA Network Center
0430 - ETD GMA, take jeep/bus to Jolibee Tungko
0530 - ETA Jolibee Tungko, take jeep to Karahume or Licao-Licao*
0630 - Explore the waterfalls from Karahume
1000 - Head off to the summit
1130 - Arrival at summit
1230 - Head down to Licao-Licao
1430 - ETA jumpoff; take jeepney to Rodriguez then QC
1730 - ETA Quezon City

Expenses:

Bus from Cubao to Tungko: Php 55.00
Jeep To karahume: Php 27.00
Reg. Fee: Php 10.00
Jeep To Tungko: Php 27.00
Bus to Cubao: Php 55.00

Actual Itinerary - Mt. Balagbag

As of January 31, 2015

Rodriguez, Rizal
First jumpoff: Sitio Karahume, Brgy. Macabud, Rodriguez
second jumpoff: Sitio Balagbag, Brgy. San Isidro, Rodriguez
LLA: 777 MASL (unverified)
Days required / Hours to summit: 1 day / 1-2 hours
Specs: Minor climb, Difficulty 3/9, Trail class 1-2
Source: pinoymountaineer.com

Dayhike Itinerary

0400 - Meet up at GMA Network Center
0540 - ETD GMA, take bus to Jolibee (Tungko)
0625 - ETA Jolibee (Tungko), take jeep to Karahume or Licao-Licao
******Breakfast at the jeep terminal********
0715 - ETD to Karahume
0747 - ETA Karahume
0820 - Explore the waterfalls from Karahume
*******Wash Up, Explore, Photo and Video Ops*********
0928 - Head off to the summit (Explore the other waterfalls from Karahume)
1120 - ETA Registration at Sito Balagbag Health Center/Outpost
1217 - ETA Red Gate
********2nd Registration Php 20.00*********
1232 - Arrival at summit
*******Lunch, Siesta, Explore, Photo and Video Ops*********
1400 - ETD Summit. Head down to Licao-Licao.
1445 - ETA Registration at Sito Balagbag Health Center/Outpost
*******Rest, Wash up and Waiting for the tricycle********
1535 - ETA jumpoff; take jeepney to Rodriguez then QC

Expenses:

Transportation

Bus from GMA (EDSA cor. East Avenue) to Tungko: Php 50.00
Jeep To karahume: Php 25.00
Tricycle to Licao-Licao: Php 30.00 per head

Food/Drink

Lugaw with Egg: Php 20.00
Packed Lunch (Hamsilog and Kitkat Chocolate): Php 105.00

Registration/Others

First Registration Fee: Php 10.00
Second Registration Fee: Php 20.00
Wash Up: Php 10.00