Mt. Humarap (Tatlong Krus) and Matabungka Falls (It's More Fun In Paete, Laguna)

Isinulat ni Lakbay Diwa

It's more fun in the Philippines. 

It's more fun in Paete, Laguna! 

An adventurous gateway to Mt. Humarap (Tatlong Krus) and Matabungka Falls

WOW PINAS! Yeah! It's Really More Fun in the Philippines! Bakit ganun sa dinamirami ng numero sa kalendaryo ay petsa pa ng kapanganakan mo ang hindi malilimutan ng Barkada (Sighed :)) Gastos! Ito ang pinakamahirap para sa taong kuripot (Nagtitipid lang daw). Pero ika nga nila "Minsan Lang Naman Ito Mangyayari At Hindi Madalas", okay sige na nga. Pagkatapos mag-birthday treat sa sarili mong Family, syempre sa Barkada naman. Para maiba naman ang Traditional Birthday Celebration na kumain sa labas, sa restaurant at inuman sa mga bar with gig; napag-usapan ng barkada na lumabas naman kami ng Metro Manila para mag-unwind. Dito na-ikwento ko sa kanila ang 1st Time Experience ko na umakyat ng bundok (First Moutain na naakyat ko ay ang Mt. Batulao sa Nasugbu, Batangas) at dahil dito napag-desisyunan namin na akyatin ang Taal Volcano dahil very accessible lang ito from Metro Manila. Unfortunately, hindi kami natuloy sa Taal Volcano dahil sa medyo masakit na budget na i-shoshoulder ko lang, based sa mga itinerary na na-research ko service fee pa lang sa bangka (Php 1,500 - Php 2,000 maswerte ka kung magaling ka tumawad) eh mabubutas na ang bulsa ko bilang backpacker na merong budget na sinusunod. Certified Backpacker ka kung sapat sa budget o mas maliit ang magagastos mo at madami kang napuntahan o napasyalan. Dahil malabo kami sa Taal Volcano, nag-research pa ko kung saan kami pwede lumakwatsa na malapit lang sa Metro Manila at natagpuan ko nga ang Mt. Humarap "Tatlong Krus" na nasa Paete, Laguna lang. Oo, sa Laguna lang at dito natuloy ang lakad namin.

Paete is a fourth class municipality in the province of Laguna, Philippines. According to the latest census, it has a population of 23,523.

The town, pronounced Pī-té, long i, short guttural ê, is located at the northeastern part of Laguna, along the shores of picturesque Laguna de Bay. It was founded in 1580 by Spanish friars Juan de Plasencia and Diego de Oropesa of the Franciscan Order. It is believed that the earliest inhabitants were of Malay lineage, coming all the way from Borneo in their swift and sturdy boats called "Balangay". Source: http://en.wikipedia.org/wiki/Paete,_Laguna

Kilala ang bayan ng Paete bilang "The Wood Carving Capital of the Philippines" and in fact Dr. Jose Rizal described Paete as a town where "carpenter shops" were issuing images "even those more rudely carved" in his well-known novel "Noli Me Tangere."

Ganap na 4:00 AM nang kami ay makarating sa DLTB Bus (Cubao Station) patungong Sta. Cruz, Laguna. Inakala namin na makakaalis na kami agad sa terminal ngunit wala pang byaheng patungong Laguna at ang sabi sa amin ng isa sa mga Bus Driver doon na byahe namang Bicol ay 5:30 AM pa ang 1st Trip na byahe papuntang Laguna. No choice kami kundi maghintay sa bus na lululan sa amin patungong Sta. Cruz.

Ganap na 5:45 AM nang kami ay umalis sa terminal lulan ng bus patungong Sta. Cruz, Laguna. Dahil pare-pareho kaming wala pang mga tulog ay sinamantala namin ang mahigit dalawang oras na byahe. Maganda ang naging byahe namin sapagkat walang traffic nung araw na yun. 7:45 AM nang kami ay makarating sa bayan ng Sta. Cruz sa Laguna. Nakakatuwa sapagkat napakabait ng locals doon, may muntikan pa ngang magtalo (pero hindi yung tipong mapupunta sa sakitan) sa pagtulong at pagbibigay directions at instructions sa amin. Maraming salamat kay Tatang (Street Sweeper) at sa mga taong napagtanungan namin sa daan. Mula Sta. Cruz, sumakay kami ng Jeep byaheng Sta. Cruz - Paete - Siniloan at nakarating kami sa Brgy. Ilaya Norte, Paete, Laguna sa ganap na 8:45 AM.

Bago kami magtungo sa Jump off at magsimula sa aming adventurous trek ay namili muna kami ng aming pananghaliang kakainin sa Summit at para na din sa aming trail foods. Mula din dito ay tinanong kami ng ilang locals kung aakyat daw ba kami sa Tatlong Krus, kilala ang lugar na yun sa tawag na yun. Ngunit bakit nga ba Mt. Humarap ang tawag dito at bakit Tatlong Krus naman sa kanila? Sabi ng ilang locals na nakakwentuhan namin kaya daw Mt. Humarap ito ay dahil sa ang bundok na ito ay nakaharap sa kanilang bayan na malapit lang sa Laguna De Bay. May tatlong krus ito sa summit at during holy week nagaganap dito ang ilang tradisyunal na gawain. Nagtanong pa kami ng ilang impormasyon tungkol sa Mt. Humarap, kwento sa amin nung dalagang pinagbibilhan namin ng pagkain eh may namatay na daw dun ngunit nung tinanong namin kung bakit namatay eh ngumiti lang ito. Hindi namin alam kung totoo ba ang sinasabi niya o binibiro lang kami. Batay naman sa aking na-research sa isang blog, may nakakatakot na pangyayari ang naganap dun. Ang istorya, may mga hiker daw na nag-overnight dun sa summit, nagkakasiyahan at nag-pipictorial malapit sa isa sa mga krus na nakatayo doon. 

May tila imahe daw ng demonyo ang umappear sa litrato. Hindi lang dito natatapos, nung natutulog na sila sa kanilang mga sariling tent. Isa sa mga tent ng hiker ang tila hinahagupit ng malakas na hangin, ngunit nung silipin nila ay halos winawagayway ng kasamahan nila ito. Akala nila nung una ay nagbibiro lang ito, ngunit nung makita nila na namumula ang mga mata nito at ang boses ay halos kaboses ng demonyo habang tumatawa ay natakot sila at nagsipag-iyak ang mga mga babaeng hiker. Hindi naman sila sinaktan ng nasabing kasamahan at sa halip ay mag-isang bumaba sa bundok bitbit ang mga gamit nito. Kinaumagahan ay nakita na lang nila ang kasamahan nilang ito na tulala sa bayan at agad silang humingi ng tulong. Hindi ko alam kung totoo ang istoryang ito. Ganap na 9:05 AM nang simulan namin ang aming adventurous trek. Sa totoo lang hindi mahirap ang trails nito sapagkat established na ang daan gawa ng sementadong hagdanan patungong summit. Magiging mahirap lang ito sa panahon ng tag-ulan sapag magiging madulas ang trail gawa ng mga lumot na nagsitubuan dito. Masasabing malapit na kayo sa summit kapag nakarating na kayo sa Waiting Shed na may source ng tubig kung saan pwede kayong uminom, maghilamos at maglinis. Dito din mag-kokrus ang daan papuntang Summit at Matabungka Falls. Kung nais pumunta ng Matabungka Falls dumiretso lamang at kung nais naman magpatuloy sa Summit ay ipagpatuloy ang pag-akyat sa sementadong hagdanan. Nakalulungkot lamang isipin na karamihan sa mga lugar ay may bakas ng vandalism na katulad na lamang ng nasabing waiting shed.

Ganap na 10:15 AM nang kami ay makarating sa Summit at matagumpay naming nasilayan ang sinasabi nga nilang Tatlong Krus. Over-looking din ang bayan ng Paete mula sa Summit. Dito na kami nag-lunch, pictorial at syempre power nap. Masarap sa summit, payapang-payapa at napakalayo sa polusyon, ingay at kaguluhan ng syudad. Ganap na 11:45 AM nang lisanin namin ang summit patungong Matabungka Falls upang maligo at damhin ang kagandahan ng nasabing talon. 

Ganap na 12:45 PM nang makarating kami sa Matabungka Falls. Good timing kami nung panahong iyon sapagkat solong-solo namin ang ganda ng talon. Para sa mga local, mas kilala ito sa tawag na "Talon" kumpara sa "Matabungka Falls." Ganap na 1:00 PM na nang lisanin namin ang Matabungka Falls ubang bumalik na sa bayan ng Paete.

Hindi natatapos sa Mt. Humarap at Matabungka Falls ang aming adventure. Syempre hindi kumpleto ang lakwatsa kung hindi mo ito susulitin. Bilang part ng side trip, binisita din namin ang Paete Church also known as St. James the Apostle Church, Souvenir Shops at Kape Kesada.

For more images click here

Ganap na 3:00 nang hapon ay linisan namin ang bayan ng Paete patungong Sta. Cruz upang sumakay ng bus pabalik ng Metro Manila. Pasado 6:00 PM na nang kami ay makabalik sa Metro Manila. Hindi mapapalitan ang panibagong karanasang ito. Pakiramdaman namin ay pansamantala kaming nakatakas sa gulo't ingay ng lungsod. Nakakalungkot lamang isipin na karamihan sa atin ay walang disipilina sa sarili. Nakakalungkot sapagkat may mga basura kaming nadatnan sa summit ng Mt. Humarap na hindi itinapon sa tamang tapunan nito. Nakakainis lang yung mga taong ganun, may basurahan naman ngunit bakit hindi nila kayang itapon sa tamang paglalagyan nito. Sana mapraktis natin ang tamang pag-uugali pagdating sa kalinisan ng paligid upang sa ganun ay mapanatili natin ang kasiglahan ng lugar.

Capture Only Memories, Leave No Traces

Looking for more adventures, read about: 

Pagsanjan Falls
Mt. Batulao 
Hundred Islands

Actual Itinerary - MT. HUMARAP (TATLONG KRUS) (Via Manila Route
As of October 6, 2013

Paete, Laguna
Major jump-off: Brgy. Ilaya Norte, Paete
Height of waterfall Matabungka: 20-25 meters
Specs: Minor climb, Difficulty 1/9, Trail Class 1
Source: pinoymountaineer.com

0415 Arrive at DLTB Bus (Cubao Station)
0545 Descent DLTB Bus (Cubao Station)
0745 ETA Sta. Cruz, Laguna
(Take a Jeep bound Sta. Cruz - Paete - Siniloan)
0845 ETA Brgy. Ilaya Norte, Paete, Laguna
0905 Jump off, Start Trek
1015 Summit (Photo Ops)
1030 Lunch, Photo Ops, Nap
1145 Descent Summit to Matabungka Falls
1215 Arrive at Matabungka Falls
1300 Descent Matabungka Falls
1400 ETA Jump off
(Visit Souvenir Shops, Kape Kesada, Paete Church for side trips) 
1500 ETD Paete, Laguna
(Take a bound Sta. Cruz)
1520 ETA DLTB Bus (Sta. Cruz, Laguna Station)
1532 Descent DLTB Bus (Sta. Cruz, Laguna Station)
1800 ETA Manila

Expenses:

Food

Burger Machine:
Double Longanisa Burger 3 Pcs. Php 41.00 Each = Php 123.00
Bart Burger 1 Pc. = Php 49.00
Inihaw na Manok = Php 70.00/per order
Adobong Baboy = Php 30.00/per order
Laing = Php 15.00/per order
Rice 8 Pcs. Php 10.00 Each = Php 80.00

Transportation

DLTB Bus (Cubao and Sta. Cruz, Laguna Station) Php 140.00/per pax
Jeep (Sta. cruz to Paete - Siniloan) Php 22.00/per pax
Jeep (Paete to Sta. Cruz) Php. 23.00/per pax