Mt. Maculot (It's more fun in Cuenca, Batangas)

Mt. Maculot

It's more fun in the Philippines. It's more fun in Cuenca, Batangas
An adventurous gateway to Mt. Maculot

“If you are faced with a mountain, you have several options. You can climb it and cross to the other side. You can go around it. You can dig under it. You can fly over it. You can blow it up. You can ignore it and pretend it’s not there. You can turn around and go back the way you came. Or you can stay on the mountain and make it your home.” ― Vera Nazarian, The Perpetual Calendar of Inspiration

Sa tuwing magpla-plano ako ng lakad ay hindi kailanman sumasagi sa aking isip ang Mt. Maculot. Iba kasi ang naging dating sa akin ng bundok na ito bunsod nang isang malagim na pangyayari sa isang mountaineer. Ayon sa mga balita, ang mountaineer daw ay aksidenteng nahulog sa parteng mabato't mabangin na kung tawagin ay "Rockies" habang linilitratuhan nito ang kanyang sarili. Base naman sa ilang balita ay pinagnakawan ito at itinulak sa bangin.  Sa bawat bagay o adventure na ginagawa o tinatahak natin, dapat nating isipin na may kaakibat itong panganib kaya dapat lagi tayong mag-iingat.

Hindi ko maintindihan pero bigla kong naisip at bigla akong nakaramdam nang pagnanais na marating ang Mt. Maculot pati na din ang tanyag nitong Rockies. Base sa mga blog, kwento at video na nabasa, napanuod at narinig ko ay napakaganda ng 360 degree view nito sa Rockies. Hindi na ko nagdalawang isip at napag-desisyunan ko na tahakin ang Mt. Maculot.

Katulad ng mga nakaraan kong lakwatsa, mula trabaho ay diretso lakad na ulit. Nag-ayos lang ako ng ng mga gamit na dapat dalhin, napagplanuhan kasi namin (with Travel Buddies: Dave and Jeffrey) na mag-overnight doon.

Nagkita-kita kami ng mga kasama ko sa Balintawak sa ganap na 5:30 AM. Mula dito ay namili kami ng mga pagkain para sa aming hapunan at mga dapat dalhin sa kabundukan. Ganap na 6:12 AM na nang makarating kami sa Jam Liner Bus Station sa Cubao. Hindi kaagad kami nakasakay sa unang biyaheng pa-Lemery sapagkat pagdating namin ay puno na ito. Naghintay kami ng mahigit isang oras bago kami makasakay at sa ganap na 7:07 AM ay lumulan na ito patungong Batangas. Dating gawi, ninais kong samantalahin ang mahigit dalawang (2) oras na biyahe ngunit bigo ako hindi man lang ako nakaidlip. In-enjoy ko na lang ang biyahe habang nag-sasoundtrip.

Mt. Maculot as seen from Cuenca Town Proper

Pagkatapos nang mahaba-habang biyahe ay maayos naming narating ang bayan ng Cuenca sa Batangas sa ganap na 9:33 AM. Medyo ramdam na namin ang init na nagmumula sa sikat ng araw, pakiramdam namin ay patanghali na ng mga oras na iyon. Mula sa bayan ng Cuenca ay matatanaw mo na agad ang Mt. Maculot. Tila maligayang hinahalina kami ng bundok sapagkat nakiayon ang panahon sa amin.

Bago kami magsimula sa aming adventure ay nag-hot chocolate with pande coco bread break muna kami sa isang bakery sa bayan. Dito ay namili kami ng aming kakaining pananghalian sa bundok at para na din sa aming trail foods. Mula din dito ay maaari kayo sumakay ng tricycle patungong jump-off (Mt. Maculot Rocky Rd.) ngunit kung sinisipag at gusto niyong mag-warm up para sa trail ng Mt. Maculot ay maaari niyong lakadin ito. In our case, nilakad lang namin ito. Bago makarating sa jump-off ay may madadaanang checkpoint/outpost sa kalsada at mula dito ay kailangan magpa-register, magbayad ng Php 20.00/px at mag-iwan ng id para sa inyong safety. Maaari din kayong mag-hire ng guide dito (hindi ko lang natanong kung magkano ang guide/px, hindi naman required ang guide).

Pagkatapos magpa-rehistro, magbayad at mag-photo ops ay natungo na kami sa jump-off. Ganap na 10:16 AM nang marating namin ito. Mula dito ay taimtim kaming nagdasal para sa aming kaligtasan at matagumpay na mapanik ang Mt. Maculot. Tamang Photo ops at Video ops lang kami bago magpatuloy sa paglalakad. Last minute check din ng mga gamit.

Maayos ang trail ng Mt. Maculot medyo ma-steep nga lang ang trail nito. May part na mapuno kaya hindi gaano nakakasunog at nakaka-drain ng energy ang sikat na nagmumula sa araw. Naging masaya ang pagpanik namin sa Mt. Maculot sapagkat may kasama kaming comedian, si Jeffrey na first time hiker. Puro kwentuhan at tawanan habang pumapanik. Madami din kaming nakasalubong na mga mountaineer, ang iba ay malalaking grupo pa. Syempre hindi mawawala ang greetings "Good Morning Ma'am/Sir, Good Afternoon Ma'am/Sir, Ingat po kayo" na tila kinagisnan na sa mountaineering activity. Kada may madadaanan kaming magandang view, photo ops agad.

Along the trail ay nakita namin ito. Sa mga hindi pa nakakaakyat ng Mt. Maculot, sarado na po yung old trail. My new trail po na may markings na arrow kaya maiiwasan po ang pagkaligaw. Mapapansin din po ang trail. Medyo may part lang na magiging madulas kapag umulan.

Jeffrey and Dave: Assaulting

Pagkalipas nang ilang minuto sa pag-trek at pag-assault ng ilang steep part ng trail ay nakarating din kami sa isang tindahan (base sa ilang blogs na nabasa ko, ang tawag nila dito ay 7/11 Store. Maaaring dahil sa ang basic needs ng isang mountaineer ay available dito katulad ng tubig o dahil sa presyo. Kung sa presyo given na siguro yun sapagkat pinaghirapan pa nila ipanik yun para maibenta lang at malaking tulong na din yun sa mga mountaineer na may mabilhan sa bundok)  kung saan may binebentang halo-halo, buko juice, snacks at kung anu-ano pa. Mula dito ay nagpahinga muna kami saglit bago namin ipagpatuloy ang pag-trek patungong campsite.

Matapos ang ilang minutong pagpapahinga, pag-eenjoy ng view at pagkain ay nagpatuloy na kami sa aming pag-akyat patungong campsite. Ganap na 12:21 PM nang marating namin ang campsite. Madaming mountaineers ang inabutan namin doon, ang ilan ay nag-overnight, day hike at halos lahat ay galing sa rockies. Mas lalo tuloy akong na-excite na medyo kinakabahan kung anong itsura sa personal ng rockies, kung matarik ba at kung mahirap ba ito panikin. Noong mga oras na iyon ay ramdam na ramdam namin ang napakainit na sikat ng araw, paano ba naman tanghaling tapat na. Walang masyadong puno sa campsite na maaaring silungan. Ang sarap maligo sa malamig na tubig. Agad kaming humanap ng pwesto upang itayo ang aming tent at ayusin ang aming mga gamit. Pagkatapos ng mga dapat gawin at i-secured ang lahat ng gamit ay agad na kami nagtungo sa Rockies.

Mt. Maculot's Rockies

For more images, just click here

Taal Lake as seen from Mt. Maculot's Rockies

Ganap na 12:46 PM nang marating namin ang tanyag na rockies ng Mt. Maculot. Wow! totoo nga, tama nga ang mga nabasa, narinig at napanuod ko. Ang ganda ng 360 degree view sa rockies ng Mt. Maculot. Kitang-kita ang lawak ng Taal Lake, Taal Volcano, Tagaytay City at mga karatig bundok. Ang sarap pagmasdan ng tanawin. Pansamantala ulit akong (kami) nakatakas sa ingay, gulo at problema ng lungsod. Mula dito ay may nakakwentuhan kaming guide nang ibang grupo. Ayon sa kanya dito daw aksidenteng nahulog ang mountaineer (tinuro niya pa sa amin kung saan mismo yung exact na lugar at kung saan siya nagpagulong-gulong at kung saan siya natagpuan). Sa kabila ng nakakalungkot na aksidenteng nangyari sa lugar ay namamayani ang ganda ng lugar kaya binabalik-balikan ito. Pagkatapos ng mahigit kalahating oras na pamamayani sa rockies ay nagdesisyun na kaming bumalik sa campsite para kumain ng tanghalian. Masyado na din kaming nasunog sa matinding sikat ng araw noong mga oras na iyon. Ganap na 2:15 PM nang makabalik kami sa campsite. Ang hirap kumain ng mga oras na yun dahil sa init at wala pang ihip ng hangin. Maging sa loob ng tent ay ramdam namin ang pagtagos ng init, para kaming manok na linilitson sa loob kaya pagkatapos namin kumain ay nakisilong kami sa tindahan. Tamang kwentuhan, photo ops, video ops, exploration at kung anu-ano pa. Sa sobrang init ay naubos namin ang dalawang (2) 1.5 litrong tubig at iisa na lang ang natira sa amin. Napa-challenge pa kami sapagkat bumaba pa kami sa ibang tindahan dahil doon na lang may mabibilhan ng tubig.  Kailangan namin bumili dahil para sa hapunan at pag-trek namin kinabukasan patungong summit. Maayos kaming nakabili ng tubig, buti na lang may tinda pa at inabutan pa naming bukas ang tindahan dahil pababa na din pala ang mga nagbebenta. Akala namin ay solo na namin ang campsite sapagkat kami na lang ang natira at ang ibang mountaineer ay nagsibabaan na ngunit may couple na mountaineers ang naabutan namin sa tindahan na pumapanik patungong campsite na mukhang mag-oovernight din. Nakakwentuhan namin sila at sinabi namin na wala ng tao sa campsite, kami lang. Nakakatuwa dahil mababait sila. Noong mga oras na yun ay natulog ang mga kasama ko at ako naman ay in-enjoy ang view ng sunset.

Sunset at Mt. Maculot's Campsite

Sunset at Mt. Maculot's Campsite

Paglubog ng araw ay tamang bonding kami ng mga kasama ko. Nakakatuwa sapagkat nakipag-kwentuhan ang couple mountaineers sa amin. Kwentuhan ng mga karanasan sa ibang bundok at kung anu-ano pa. Biruin mo yun may mga bayawak, dagang bukid at unggoy sa Mt. Maculot. Yes, syempre mountain kaya natural meron pero ang nakakatuwa doon ay mabuti meron pang nag-eexist sa kabila ng mga activity sa nature. Hindi nagtagal ay nauna nang natulog ang couple mountaineers at kami naman ay nag-hapunan sa labas habang nag-istar gazing at nagkwekwentuhan tungkol sa mga zombie. Ganap na 7:30 PM nang kami ay maghapunan. May nakakatawang nangyari sa amin sapagkat unggoy lang pala ang magpapasok sa amin sa tent at magpapatulog sa amin ng maaga. Habang masaya kaming nag-kwekwentuhan ay may unggoy na bigla na lang nagsisigaw na tila ba ay nagtatawag ng mga kasama upang atakihin kami. Ganap na 9:00 PM nang kami ay matulog, ang aga kumpara sa oras ng pagtulog sa Metro Manila. Dala na din siguro ng payapa at malamig na kapaligiran kaya masarap ang naging tulog namin.

Akala ko magiging sulit na ang tulog ko dahil sa wala akong tulog ngunit 12:59 AM ay naalimpungatan ako hindi dahil sa ingay o anuman kundi dahil sa lamig ng panahon. Buti na lang pinahiram ako ng kasama ko ng jacket, hindi kasi ako nakapagdala dahil hindi na kasya sa bag. Simula nun hindi na ko ulit nakatulog, tamang pikit-mata na lang yata yun at pinapakiramdaman ko ang paligid. May mga dumating pa pala na ibang mountaineers na nag-night trek, narinig ko kasi ang mga boses nila habang nag-sosocial sila. Ganap na 5:30 AM ay lumabas na akong ng tent upang pagmasdan ang sunrise. Mayamaya pa ay nagising na din ang mga kasamahan ko at ang kapit-bahay namin sa bundok na couple mountaineers, tamang kwentuhan ulit kami. Nakakatuwa ang kabaitan nila sapagkat binigyan nila kami ng hot chocolate at kanin. Maraming salamat talaga sa pag-share niyo ng blessings sa amin.

Maraming Salamat sa hot chocolate at kanin. Sana magkasalubong ulit tayo sa bundok. God Bless sa inyo couple mountaineers. Sorry nakalimutan ko name niyo. (Nasa tent yung Girl, nahihiya yata) Thanks a lot.

Pagkatapos namin mag-breakfast ay nagligpit na kami ng tent at nag-ayos ng mga gamit. Ready to conquer the summit of Mt. Maculot! Ganap na 6:58 AM nang lisanin namin ang campsite patungong summit at mag-traverse sa Grotto. Muli kaming nagdasal para sa aming kaligtasan at maayos na marating ang summit. Nagpasalamat at nagpaalam na kami sa couple mountaineers.

Naging maganda ang pag-akyat namin sa summit noong mga oras na yun sapagkat sinamantala namin ang maaliwalas na panahon bago pa kami ulit abutan ng init. Puro matataas na damo ang aming nadaanan bago kami makarating sa mayabong na forest trail ng bundok. Payapa ang kagubatan ng Mt. Maculot.

Ganap na 8:00 AM nang matagumpay na marating namin ang summit ng Mt. Maculot. Noong mga oras na yun ay wala kaming clear view dahil sa fog. Naghintay pa kami ng ilang minuto para tuluyang ihipin ng hangin ang mga ito. Medyo mataas din ang mga halaman at puno sa summit kaya hindi mo gaano makikita ang view. Tamang photo ops at video ops lang kami sa summit. Ganap na 8:20 AM nang lisanin namin ang summit.

Summit of Mt. Maculot

Naging mabato ang aming pagbaba mula summit patungong Grotto. May part na kailangan mo mag-rappel dahil sa matatarik na mabatong trail nito. Medyo kailangan mag-ingat lalo na kung umuulan dahil magiging madulas ito. Ilang minuto pa ay matagumpay kaming nakarating sa Grotto.

Ganap na 9:30 AM na nang marating namin ang Grotto. Nagsisimula na ulit uminit ang paligid dahil sa sikat ng araw. Tamang pahinga, photo ops at panalangin na nakarating kami ng maayos sa Grotto. Nagtagal lang kami ng mahigit 30 minutes dito at nagpatuloy kami sa pagbaba patungong jump-off. Deo Gratias! Ganap na 10:52 AM nang maayos at matagumpay kaming nakababa sa jump-off. Bilang sidetrip, kami ay nagtungo sa Taal Lake. Kinakailangan mo lamang mag-trek ng 1,500 steps para makarating dito. Established naman ang trail sapagkat cemented ladder road naman ang iyong dadaanan, ang tangi mo lang magiging problema ay ang pagpanik ulit pabalik paitaas dahil parang umakyat ka ulit ng isang bundok. Extra challenge talaga pero worth it naman ang lahat ng iyong paghihirap. Ganap na 12:54 PM nang marating namin ang Taal Lake. Tamang palamig at enjoy lang kami dito.

Taal Lake

Castaway: Survivor Philippines

Pagkatapos ng mahigit isang (1) oras na pag-stay namin sa Taal Lake ay napag-desisyunan na naming bumalik sa jump-off. Pagbalik sa jump-off ay nag-loming Batangas muna kami bago kami maligo at bumiyahe pabalik ng Manila.

Loming Batangas

Talagang namiss ko ang Loming Batangas, huling kain ko pa nito ay sa Mt. Gulugod Baboy pa. Ang sarap kasi talaga.

Pagkatapos naming kumain at maligo ay bumiyahe na kami pabalik ng Manila. Sana mapanatili ang kaayusan ng bundok at sana maayos na suportahan ito nang ating gobyerno. Nag-enjoy talaga ako (kami) sa overnight hike adventure na iyon. Kahit alam kong wala pa kong tulog, pakiramdam ko na-relax ako. Pansamantala ulit nakatakas sa ingay at gulo ng lungsod. Sulit ang lakwatsa. More mountains to climb. More places to visit. More memories to be captured and treasured.

Capture Only Memories, Leave No Traces

Looking for more adventures, read about: 

Pagsanjan Falls
Mt. Batulao
Mt. Humarap (Tatlong Krus) and Matabungka Falls
Mt. Gulugod Baboy (Mt. Pinagbanderahan)
Mt. Tagapo
Mt. Talamitam
Hundred Islands

Actual Itinerary - Mt. Maculot
As of March 2-3, 2014

Major Jumpoff: Mountaineer's Store, Brgy. 7 "Siete", Cuenca Exit point (traverse): Brgy 5 (to Grotto), Cuenca LLA: 13°55 N; 121°2 E; 706 MASL (Rockies) / 930 MASL (summit)
Days required / Hours to Rockies / summit : 1 day / 1-2 hr / 2-4 hr Specs: Minor, Difficulty 3/9 (Rockies); 4/9 (Traverse) Trail class 1-3.
Features: Scenic views of Taal Lake, rock formations, forests
Source: pinoymountaineer.com

OVERNIGHT HIKE: March 2-3, 2014 (Sunday-Monday)

Day 1

05:30 Meet-up Balintawak
*******Buy foods and some neccessary things*********
06:23 ETA Jam Liner Bus Terminal Cubao
07:07 ETD to Cuenca, Batangas
09:33 ETA Cuenca, Batangas
***Breakfast, Buy foods, Register and pay a fee of Php 20.00/px (Subject to Change) per person at
      the   Registration Outpost.
10:16 ETA Jump-off
****Last minute check/Pray for our safety.
****Start Trekking*********
12:21 ETA Campsite
*****Pinch a Tent, Exploration, Photo Ops, Video Ops, Chitchat*******
12:45 ETA Rockies
*****Exploration, Photo Ops, Video Ops, Chitchat*******
13:45 ETD Rockies
14:15 ETA Campsite
*****Late Lunch, Exploration, Photo Ops, Video Ops, Chitchat, Rest*******
19:30 Dinner and Social
21:00 Lights off

Day 2

5:30 Wake up Call
*****Breakfast and packed up*******
6:58 ETD to Summit
******Pray for our safety
8:00 ETA Summit
*****Exploration, Photo Ops, Video Ops, Chitchat*******
8:20 ETD Summit - Traverse to Grotto
9:30 ETA Grotto
*****Exploration, Photo Ops, Video Ops, Chitchat*******
10:06 ETD Grotto
10:52 ETA Jump-off
12:54 ETA Taal Lake
*****Rest, Exploration, Photo Ops, Video Ops, Chitchat, Wash up*******
14:35 ETA Jump-off
******Rest, Loming Batangas Break and Wash up
16:54 ETD Cuenca, Batangas
19:21 ETA Metro Manila

Expenses:

Transportation

Bus from Jam Liner Cubao to Cuenca Php 155.00/px (vice versa)

Food/Drink

Adobong atay/Igado Php 35.00
Giniling  Php 35.00
Ginataang Langka Php 20.00
Rice 3pcs Php 30.00 (Php 10.00/per cup)
Hot Chocolate Drinks Php 5.00
Halo-halo 2pcs Php 60.00 (Php 30.00/per cup)
Drinking Water 2pcs 1.5 L Php 70.00 (Php 35.00/per 1.5 L)
Cream O Biscuit 3pcs Php 25.00
Loming Batangas 3pcs Php 150.00 (Php 50.00/per bowl)

Registration/Others

Mountaineer's Registration Php 20.00

Wash up Php 15.00/px

Souvener T-Shirt Php 220.00 (Discounted Php 200.00)