Mt. Tabayoc, Mystical Lakes (Tabeo, Ambulalakao, Letep-ngapos, Incolos) and Junior Pulag (It's more fun in Kabayan, Benguet)

It's more fun in the Philippines. It's more fun in Kabayan, Benguet.
An Adventurous gateway to Mt. Tabayoc, Mystical Lakes and Junior Pulag.

Mt. Tabayoc and Tabeo Lake

"Life is either a great adventure or nothing."

Sa bawat adventure na ating tinatahak sa buhay ay may kanya-kanyang karanasan tayo na hindi malilimutan, naging maganda man ito o masama. 

At kung magbabalik tanaw sa tulong ng mga kuhang larawan at video ay hindi mo mamamalayan na bigla ka na lang mapapangiti at matatawa. Kasabay ng mga ngiti at tawa na nagmumula sa iyong mga labi ay bigla mo na lang masasambit sa iyong sarili na sana ay makabalik ka sa mga lugar na ito. Muling pagnanais na makapag-lakwatsa, pansamantalang makatakas sa stress at muling makapagmuni-muni sa buhay.

Karamihan sa mga lugar na pinagdalhan nang aking mga makakating paa ay sa CALABARZON. Halos lahat yata nang lakwatsa ko ay doon nangyari, maaaring dahil sa malapit lang ito sa Metro Manila at budget friendly pa.

After Mt. Pico de Loro adventure, napag-isip-isip ko na baka Ber Months na ulit masundan ang lakwatsa dahil magtatag-ulan na. Ngunit biglang nagyaya sila Sir Rex na pumanik ng bundok at sa Cordillera pa! Dahil hindi din ako nakasama sa kanilang Sagada adventure ay hindi na ko nagdalawang isip pa na hindi sumama dahil sa minsan lang ito at hindi pa ko nakakarating doon, nakakahiya at nakakatawa man pero maging ang Baguio ay hindi ko pa nasisilayan. Sinabi din ni Sir Rex na kahit hindi daw kami sumama ni Byaherong Kaskasero (Rommel) ay tutuloy pa din daw sila nila Sir Jester at ilang barkada nila. Dahil sila ang organizer ng lakwatsang ito, ang napili nilang akyatin ay ang Mt. Tabayoc at sidetrips sa apat na mystical lakes (Tabeo, Ambulalakao, Letep-ngapos at Incolos) at ang tinatawag na Junior Pulag.

At dahil long weekend, dagsa-dagsa ang mga pasahero sa mga terminal ng bus at ang unang kamalasan na nangyari sa amin ay ang pagkalimot na magpa-reserve ng biyaheng patungong Baguio. Mula opisina ay nagbakasakali kaming tumawag sa ilang terminal ng bus sa Cubao kung may vacancy pa pa-biyaheng Baguio ngunit bigo kami dahil fully booked na daw at kinabukasan pa daw ng 5:00 PM magkakaroon ng biyahe. Ang saklap, noong mga oras na iyon ay nagbibiruan na kami na sa Mt. Maculot na lang kami umakyat. Ngunit may isa pa kaming option upang makarating sa Baguio, ito ay ang mag-cutting trip patungong Pangasinan at mag-biyahe patungong Baguio pero hindi din ito nangyari dahil nakatawag yata sila Sir Rex sa Dagupan Bus Terminal sa Cubao at may biyahe pa patungong Baguio. Swerte! Sa byahe na lang kami babawi nang tulog ni Byaherong Kaskasero (Rommel) dahil galing pa kaming duty. Actually, nag-undertime pa ko (:P) para lang huwag maiwan. Ganap na 11:00 PM ang napag-usapang meet-up sa Dagupan Bus Terminal sa Cubao. Grabe ang dami at pila ng mga taong magsisiuwian sa kanya-kanyang mga probinsya, halos mag-aaapat na oras kaming matyagang pumila at naghintay matuloy lang lakad na ito kaya nung makasakay kami ng bus ay ang sarap sa pakiramdam at laking ginhawa. Senyales na tuloy nga ang aming adventure sa Mt. Tabayoc! Matapos ang tamang kwentuhan sa bus habang nasa biyahe ay biglang nagsipag tahimikan na lang ang lahat dahil kanya-kanyang idlipan na para may enerhiya sa pag-akyat.

Muli kaming inabot nang kamalasan dahil hindi na kinaya nang makina ng bus ang patarik na kalsada patungong Baguio, mahigit isang oras na lang ay nandoon na sana kami. Napilitan tuloy kaming maghintay sa ibang bus na lululan sa amin patungo sa nasabing lugar. Matapos ang ilang kamalasan at mahabang biyahe ay nakarating kami nang maaayos sa Baguio. Mula dito ay hinati namin sa dalawa ang aming grupo (Unang Grupo: Bibili ng mga pagkain na aming lulutuin, inumin at ilang bagay na kakailanganin namin sa bundok. Ikalawang Grupo: Magpapa-reserve sa terminal ng bus pabalik ng Maynila.) upang sa ganun ay hindi tuluyang masira ang sinusunod naming itinerary at hindi kami maiwan ng minibus patungong Benguet. Muling nagkita-kita ang aming grupo sa Slaughter House kung saan naghihintay sa amin ang isang minibus na lululan sa amin patungong Brgy. Ballay, Kabayan, Benguet. Halos puno na nang pasahero ang nasabing bus na bukod tanging ito lamang ang nag-iisang may biyahe patungong Brgy. Ballay nang kami ay makarating. Nagbakasali kaming makarenta ng van o jeepney ngunit mahal ang singil sa amin kaya napilitan kaming sumakay na sa minibus kahit nakatayo na lang kami. Aaminin ko, kahit alam kong aabutin kami nang ilang oras na nakatayo sa biyahe, mapapagod at mangangawit ay nag-enjoy ako sa kadahilanang first time ko makasakay sa minibus (provincial bus na ang ruta ay doon lang at hindi yung bus na makikita sa syudad) at syempre dahil sa nag-gagandahang view na makikita mo. Talagang sinisilip ko sa siwang ng bintana ang view kahit nakatayo ako, medyo nakakatakot at nakakakaba lang dahil sa matatarik na bangin ang makikita mo. Sa katagalan ng biyahe ay unti-unti kong naramdaman ang pagkahilo dahil sa siksikan sa loob ng bus, hindi sapat na tulog, zigzag na daan (isa ito sa mga dahilan kung bakit hindi ako kumakain sa biyahe lalo na't may ganitong dadaanan) at init  sa loob ng bus. Buti na lang nakarating kami sa stopover kung saan agad kaming bumaba upang magpahangin at bumili nang makakain. Napakaganda ng view, makikita mo ang pine trees na nasa paligid lang ng bangin. Makalipas ang ilang minutong pagpapahinga at pagpapahangin ay nagpatuloy na kami sa aming biyahe ngunit wala pang isang oras ang nakakalipas ay minalas ulit kami dahil na-platan ng gulong ang minibus na aming sinasakyan.

Na-platan ng gulong.

Habang nag-aayos sila Kuya driver ng gulong ay sinamantala namin ang magandang tanawin na makikita sa kalsada.

Ambuklao River

For more images, just click here

Matapos ang ilang minutong pagpapalit ng gulong ay agad na kaming umalis. Habang nasa biyahe ay nagbibiruan kami kung ano pa kaya ang mga susunod na kamalasan na mangyayari sa amin. Medyo sira na ang aming itinerary dahil sa mga cause of delay na nangyari. Medyo nakakatakot ang naging biyahe namin dahil may kabilisan ang pagpapatakbo ni Manong driver sa minibus, unting mali lang siguradong hindi kami bubuhayin sa taas at tarik ng bangin na kababagsakan namin.  Ilang minuto lang ang nakalipas matapos ma-platan ay hindi namin sukat akalain na muntikan pa kaming maaksidente dahil sa pagsayad o pagbanggang ng gulong sa bato na nagsisilbing harang sa bangin. Sumalpok ang gulong dahil sa pag-iwas ni Manong driver sa kasalubong na SUV at truck na muntikan naming makabanggaan. Nagulat nga kaming lahat sa mabilis na pangyayari at ang mga pasahero sa bus ay biglang nagsipagsigaw, akala ko didiretso kami sa bangin. Buti na lang hindi natuloy ang plano naming pag-top load sa minibus kung hindi sa bangin ang tilapon namin. Immanuel! Deo Gratias! Muling nag-ayos ng gulong ang minibus na aming sinasakyan at syempre kami naman ay bumaba ulit at sinamantala ulit ang pagkakataon na enjoyin ang view at ganda ng lugar.

Makalipas ang ilang hindi kanais-nais na kamalasan ay unti-unti kaming nabuhayan ng loob nang makita namin sa mga welcome sign at ilan sa mga istablisyemento ang "Ballay" na magandang senyales na nandun na kami. Ngunit muli yata kaming susubukin sapagkat mukhang nagbabadya ang masamang panahon dahil sa pangingitim ng mga ulap na kumukubli sa kagandahan ng mga bundok. Nangyari nga, sakto nang kami ay makarating sa Brgy. Ballay ilang minuto pa lamang ang nakakalipas ay bumuhos ang malakas na ulan. Hindi na ko natuto dahil wala na naman akong dalang raincoat at mukhang maliligo na naman sa ulan katulad nang aking naging karanasan sa Mt. Batulao. Hindi naman ganun kalala ang aking dinanas kumpara sa Mt. Batulao dahil may dala naman akong malaking garbage bag at ito ang aking ginawang improvise rain coat, kahit papaano ay hindi ako basang-basa. Mukhang ignorante man ako pero natutuwa ako dahil ito ang una kong akyat sa bundok na umuusok ang bibig dahil sa sobrang lamig ng panahon at sabayan pa ng ulan. Sabagay nasa mataas kaming lugar kaya natural lang siguro iyon. Pagkatapos naming magpa-rehistro at magbayad ng sapat na halaga at ma-meet ang aming guide sa adventure na ito na si Sir Josiah Ballagan ay nagsimula na kami sa aming pagtahak patungong Tabeo Lake kung saan ito ang nagsisilbing base camp ng Mt. Tabayoc.

Malakas ang ulan at ang lamig ng ihip ng hangin noong mga oras na iyon. Wala pang ilang minuto nang mapansin namin na medyo bumaba na ang mga ulap na nakakaapekto sa visibility ng daan. Hindi naman nagtagal ang malakas na ulan at unti-unti na itong humina hanggang sa maging ambon na lang. Unti-unting sumulyap ang haring araw sa kalayuan na tila nagtago sa sea of clouds. Along the trail ay makikita mo ang ilang hagdan-hagdang taniman ng mga gulay katulad ng carrot, repolyo at marami pang iba. Aming napansin ang ilang gulay na nakatihaya lamang sa daan at sa taniman, sabi sa amin ni Sir Josiah ang aming guide ay mga rejected na klase na daw yun pero pagdating ng Manila ay mahal pa din daw yun. Totoo at tama nga siya, ang mura ng mga gulay doon at pagdating sa Manila ay may patong na nga ito. Dahil rejected at nagkalat lang sa daan ay kumuha lang kami ng ilang piraso upang isahog sa aming lulutuin. Sabi ni Sir Josiah ay ok lang naman daw dumampot dahil mga rejected na iyon at iyong mga locals doon ay ibinibigay lang daw yun ng libre lalo na kung bisita ka lang sa lugar. Sementado ang unang parte ng trail na may kahalintulad sa Mt. Gulugod Baboy at magiging rocky road na parang sa Mt. Tapulao base sa mga picture at video na nakita ko at hanggang sa maging sementado ulit ang daan patungong Tabeo Lake. Along the trail din ay masisilayan mo ang Mt. Pulag, Mt. Al-al at ilang karatig bundok ng Cordillera.

Matapos ang ilang minutong lakadan ay maaayos naming narating ang Tabeo Lake na nagsisilbing basecamp. May isang grupo kaming naabutan doon at na nakapag-camp na din. Noong mga oras na iyon ay masaya kaming nagbibiruan kung saan kami magtatayo ng tent at nang biglang may mag-offer sa amin na locals doon na rent ng bahay kasama na tubig (hugas, ligo at ihi/dumi), kuryente at pagluluto sa halagang Php 150.00 per head. Oo ang mura na kung iisipin kaya kahit may mga dala kaming tent ay kinuha na namin ang offer na iyon dahil mas comfortable ito at kahit papaano ay tulong na din sa locals. Si Lola pala ang may-ari ng bahay na kilala ng guide namin. Mabait siya ngunit may house rules lang siya sa kanyang pinaparentahang bahay, ilan sa mga ito ay ang: ayaw niya na may nag-iinuman na parang wala ng kinabukasan at nagsisigarilyo sa loob ng bahay. Sabagay mukhang healthy living ang mga taong nakatira doon dahil sigurado ako gulay ang pangunahin nilang pagkain. Pagkatapos namin na mag-ayos nang kanya-kanyang mga gamit ay nagluto na kami (sila pala :p), photo/video ops at ako naman ay sinamantala ang magandang panahon upang makakuha ng magandang larawan bilang souvenir sa adventure na ito.

Malayo-layo pang biyahe ito!

Kuhang larawan sa labas ng bahay na ni-rentahan namin kay Lola

Cold Summer Night

Sunset at Tabeo Lake

Pagkatapos makapag-luto at makapaghain ng aming hapunan ay malaking pasasalamat sa Diyos dahil nakarating kami ng maayos sa basecamp. Masarap ang naging hapunan namin dahil sa mga sariwang gulay.

After namin mag-dinner at mag-double check ng mga gamit na aming dadalhin sa pagpanik ng bundok ay nagkaroon kami ng tamang socials lang dahil napag-desisyunan namin na 2:00 AM dapat ay papanik na kami patungong summit. Bilang parte ng socials ang kwentuhan ay hindi naiwasan ang mga nakakatakot na istorya. Isa sa mga kasama namin na taga-Sagada ang nagkwento sa amin ng mga mythical creature and spooky story tungkol sa lugar nila at maging kanyang mga karanasan. Hindi namin namalayan ang mabilis na pagpatak ng oras at madaling araw na pala! Hindi ko alam kung nakaidlip pa ba ko ng mga oras na iyon dahil sobrang lamig talaga kahit naka-jacket na kami. Ramdam namin ang paninigas ng aming mga palad at mukha na senyales na masyadong malamig ang isang lugar. Ginawa naming latag at kumot ang mga flysheet ng tent namin upang pangontra lamig. Lumabas ako ng bahay at nakita ko na klaro ang kalangitan, senyales na maganda ang panahon bukas. Tanging buwan at mga bituing nagsisipag-ning-ningan lamang ang makikita mo. Maya-maya pa ay nagsipag-gisingan na din ang iba ko pang mga kasama. Tamang higop at lasap ng kape at final preparation to conquer Mt. Tabayoc.

Star Gazing: Waiting for a Shooting Star

Ang Mt. Tabayoc ay ang ikalawang mataas na bundok sa Luzon at ika-anim naman sa Pilipinas. Kilala din ang bundok na ito bilang "Tabayac o Talbayog" na ibig sabihin ay "basin" dahil sa napapaligiran ito ng apat na lakes: Tabeo, Ambulalakao, Letep-ngapos at Incolos. Tulad ng ibang bundok, ito din ay protected ng DENR at mayaman pa sa likas na yaman dahil hindi tulad ng ibang bundok na napabayaan at unti-unting nasisira na ay kitang-kita ang kayabungan ng mga puno at mga halaman sa bundok na ito. Ilan pa nga sa mga halaman dito ay mukhang rare species dahil well-preserved ang kagubatan nito. 

Mossy Forest up to the summit! Ika nga ni Sir Rex ang dami ko daw first time experiences sa adventure na ito. Madaling araw pa lang ay nagsimula na kami sa pag-trek, pagkalagpas namin sa Tabeo Lake ay agad na bumungad sa amin ang trail na puro halaman agad. Sa gitna nang dilim at tila liwanag lamang ng head lamps at flash lights namin ang nagbibigay tanglaw sa aming daan ay bigla kong naisip na kung dito ko na ba ma-eencounter ang green viper na minsan nabasa at nakita ko sa ibang blog. Panay tingin ako sa mga halaman at mga puno, grabe talaga ang ganda at yaman ng gubat na ito dahil makapal pa ang kagubatan nito at kung wala kang kasamang nakakaalam ng daan ay siguradong maliligaw ka. Malaking tulong ang malamig na klima sa pagpanik namin dahil ramdam ko sa sarili ko na hindi agad ako nakaramdam ng pagkapagod kumpara sa mga previous hike ko na expose sa init ng araw na talagang mapapainom ka ng madaming tubig. Dagdag pa ang mga naglalakihang mga sanga at ugat ng mga puno na malaking tulong sa pag-akyat.

Matapos ang mahigit dalawang oras na pagpanik ay matagumpay naming narating ang North Peak nito. Walang view ang bundok na ito dahil sa mga nagyayabungang punong kahoy nito. Ilang minuto lang kaming nagpahinga at agad na kaming nagpatuloy sa pag-akyat patungong summit o viewdeck nito. Hindi nagtagal ay narating namin ang sinasabing Monkey Trail nito dahil kakailanganin mong gumamit ng mga kamay sa pag-akyat dahil sa mga naglalakihan, nakausli at nakaharang na mga ugat at sanga. May pagkakataon din na kailangan mong yumuko dahil sa nasabing difficulty ng trail nito.

Sabi ng guide namin na mabilis daw ang pacing namin kahit papaano pero kailangan naming mag-double time sa pag-akyat kung gusto naming abutan ang Sea of Clouds na tinatawag. Sa pagtahak namin may pagkakataon na hindi maiwasan ang pagkadulas dahil sa mossy ang trail nito. Pagkatapos nang aming monkey trail adventure ay matagumpay naming narating ang summit ng Mt. Tabayoc at ang viewdeck nito. Dati daw ay wala pa daw itong viewdeck at talagang wala kang makikita sapagkat mayayabong  na puno at halaman ang namamayani sa bundok na ito. Kahit papaano ay umabot kami sa sunrise dahil noong mga oras na iyon ay maaga sumikat ang araw.

Overlooking Mt. Amuyao from the summit of Mt. Tabayoc

Mossy Forest of Mt. Tabayoc

Overlooking Mt. Pulag from the summit of Mt. Tabayoc

Sir Rex, Me and Biyaherong Kaskasero (Rommel) with overlooking Mt. Pulag

Group Picture at the summit of Mt. Tabayoc

Mahigit trenta minuto lang kami nanatili sa summit dahil plano pa naming bisitahin ang four mystical lakes ng Ballay at pati din ang Junior Pulag at kung bakit ito tinawag na ganito. Matapos ang mahigit dalawang oras na pagbaba ay narating namin ang Tabeo Lake kung saan ito ang isa sa apat na lake na una mong mabibisita dahil nasa basecamp lang ito mismo. Pinagbabawal ang pagligo o paghugas sa mga nasabing lake dahil sagrado ito para sa mga taga-rito at isa ito sa pinagmumulan ng kanilang kabuhayan. Accept and Respect Other Cultures. Tandaan bisita lang tayo.

Tabeo Lake

Napagpasyahan namin na kumain at magpahinga muna ng ilang oras bago kami magpatuloy sa pagbisita sa tatlo pang natitirang lakes at sa junior pulag. Sa totoo lang medyo tinatamad na kong bisitahin ang tatlo pang lakes at junior pulag dahil sa pagod at antok pero laking pagsisi ko sana kung hindi ko nga binisita buti na lang majority ng desisyon sa grupo ay bisitahin dahil minsan nga lang ang experience na ito at matatagalan siguro kung nanaisin naming bumalik sa mga lugar na ito. Pagkatapos kumain at magpahinga ay lumarga na kami para sa sinasabing sidetrips. Maayos naman ang trail dahil sementado naman ito hanggang sa maging mossy forest ulit ang trail. Ang ikalawang lake na aming nabisita ay ang Ambulalakao, sinasabi na ito daw ang pinakamalinis na lake sa Benguet. Ang ikatlong lake naman na aming binista ay ang Letep-ngapos. At ang ika-apat at huli na aming binisita ay ang Incolos Lake na ayon sa aming guide ay si Incolos daw ay isang hunter at noong unang panahon ang laman loob daw ng kanyang katawan ay dito hinugasan. Ang Incolos Lake ay natabunan ng mga namuong lupa kaya ayon sa aming guide na maingat daw dapat ang aming paglalakad sapagkat maaaring gumuho ang lupang aming nilalakaran.

Ambulalakao Lake

Letep-ngapos Lake

Incolos Lake

Matapos ang pag-eenjoy sa tanawin at photo/video ops sa mga nasabing lake ay agad naming tinungo ang sinsabing Junior Pulag dahil medyo nagbabadya na ang panahon na senyales ng pag-ulan. Matapos ang ilang minutong paglalakad sa mossy forest ay narating din namin sa wakas ang junior pulag. Although hindi ko napapanik ang Mt. Pulag ngunit base sa aking mga kasamahan na nakabisita at nakapanik na sa Mt. Pulag ay kaya pala Junior Pulag ang tawag dito sa kadahilanang pareho silang may part na grass land at little bamboo trees kung tawagin. Saglit lang din kaming nanatili dito at agad na kaming bumaba pabalik sa basecamp dahil hinahabol namin ang oras pabalik ng Baguio. Pagkatapos namin mag-pack up ng gamit ay agad naming tinungong ang van na nirentahan namin patungong Baguio.

At Junior Pulag

Group Picture with Tabeo Lake

Siyempre pagkatapos ng nakakapagod na activities ang pinakamasarap na gawin ay ang kumain. Pagkadating namin ng Baguio ay agad naming tinungo ang Taste Good Restaurant, nirerekomenda ko itong restaurant na ito sa mga bibisita ng Baguio o sa mga mag-aadventure sa Cordillera. Mura, marami at napaka-sarap ng mga putahe at pagkain nila dito. After namin kumain ay naglibot-libot muna kami sa Baguio dahil 1:30 AM pa naman ang biyahe namin pabalik ng Maynila. Sa wakas kahit papaano ay nakapag-libot din ako sa Baguio. Pagkatapos maglilibot ay nagtungo na kami sa bus terminal at naghintay na lang ng oras upang makasakay ng bus pabalik ng Manila.

Courtesy of Sir Rex: Coordinated Maps

Sana mapanatili ang kaayusan ng bundok at sana maayos na suportahan ito nang ating gobyerno. Nag-enjoy talaga ako (kami) sa adventure na ito kabila ng mga kamalasan na nangyari sa amin. Pakiramdam ko na-relax ako kahit papaano dahil sa napakagandang mga tanawin talaga na nasaksihan ko mula biyahe hanggang sa summit ng bundok. Pansamantala ulit nakatakas sa ingay at gulo ng lungsod. Sulit ang lakwatsa. More mountains to climb. More places to visit. More memories to be captured and treasured.

Capture Only Memories, Leave No Traces

Looking for more adventures, read about:

Pagsanjan Falls
Boracay: The flagship beach destination of the Philippines
Mt. Batulao
Mt. Humarap (Tatlong Krus) and Matabungka Falls
Mt. Gulugod Baboy (Mt. Pinagbanderahan)
Mt. Tagapo
Mt. Talamitam
Mt. Maculot
Mt. Mariveles (Tarak Ridge-Peak)
Mt. Sembrano
Mt. Balagbag and Kaytitinga Falls
Mt. Pico de Loro (Mt. Palay-Palay) and Boracay de Cavite (Katungkulan Beach)
Hundred Islands
La Mesa Eco-Park
A Photowalk Journey: Manila-Pasay
Manila Seedling Bank: Nature is the art of God
Bakit karamihan sa mga namumundok walang lovelife?
Aking Diwata
May Forever sa Bundok (Finding Neverland and Love at First Sight)

Mt. Tabayoc
Benguet and Ifugao
Major jump-off: Major jump-off: Brgy. Ballay, Kabayan, Benguet
LLA: 16.7000° N; 120.88333° E
Elevation: 2842 MASL
Days required / Hours to summit: 2-3 days /4-6 hours
Specs: Major climb, Difficulty 6/9, Trail class 2-4

Luzon's 2nd highest mountain and 6th in the Philippines.

Source: pinoymountaineer.com

Suggested Itinerary/Proposed Itinerary - Mt. Tabayoc

Day 1

12AM - Meet up Victory Liner Cubao
1AM - ETD Manila (baguio 450 pesos)
7AM – ETA Baguio city (victory liner terminal) , Slaughterhouse is 1hr walk or taxi pay 60 pesos+
9AM – ETD Slaughter house, Norton bus P155pesos
2:30PM ETA Brgy. Ballay. Preparation of fees
3PM Start Trek
4PM ETA Lake Ambulalakao Jump off
4:20PM ETA Lake Ambulalakao
4:35PM ETA Lake Letep Longos
4:45PM ETA Lake Incolos
5PM ETA Junior Pulag
5:30PM ETA Lake Tabeo
(set camp,dinner ,socials)

Day 2

2AM – Wake up call
3:00AM – Start Trek
4:30AM – ETA peak 1
6:00AM – ETA Mt. Tabayoc Summit 2845MASL
7AM – Start Descend
8:30AM – ETA Lake Tabeo (pack up)
9AM – ETD lake Tabeo walk in Habal-habal
9:30AM – ETD habal habal
10:30AM – ETA Van Station Kabayan Central
4PM – ETA Baguio City
7PM – ETD Baguio

Day 3

12AM – ETA Quezon City

Actual Itinerary - Mt. Tabayoc

As of May 1-3, 2015

Day 0 - Thursday

11PM - Meet up Dagupan Bus Terminal Cubao

Day 1 - Friday

230AM - ETD Manila to Baguio City (Php 455 pesos)
730AM – ETA Baguio City (Victory Liner Terminal)
*******Divided the team into 2: Bought foods, drinks and some stuffs, make a bus reservation to Manila*******
810AM- ETD to Slaughterhouse (Estimated 1 hourr walk or ride a taxi for Php 50.00 +)
930AM – ETA Slaughter House
1037AM – ETD to Slaughter house to Brgy. Ballay, Kabayan, Benguet
********Ride a (Norton or A-Liner Bus bound to Kabayan) for Php 145.00************
15:30PM ETA Brgy. Ballay, Kabayan, Benguet (Jump-off) to Tabeo Lake (Campsite)
*******Register, pay the registration and environmental fee and look for your arrange guide*******
*******Final Preparation**********
15:50PM Start Trek
16:35PM ETA to Tabeo Lake (Campsite)
*******Rented a small house for Php 150.00/pax offered by our guide/local (Included: Water and Electricity Consumption, Cook, Freshen-up or Take a bath*****
**********Fix our things and some stuffs*********
********Preparing our dinner and some stuffs for the socials******
*********Exploration, Photo and Video Ops*******
*********Freshen Up or Take a quick bath*******
18:05PM Dinner
20:00 PM Socials
********Story Telling and some horrific experiences***********
2300PM Sleep

Day 2 - Saturday

1:20AM – Wake up call
*******Quick Breakfast or Coffee Break******
2:00AM – Start Trek
4:30AM – ETA Peak 1
*********Rest, Chit Chat, Photo and Video Ops*****
5:40AM – ETA Mt. Tabayoc Summit/View Deck
*********Exploration, Rest, Chit Chat, Photo and Video Ops*****
6:10AM – Start Descend
8:55AM – ETA Lake Tabeo (Campsite)
***********Breakfast**********
***********Rest and Nap******
1030AM – ETD to Four Lakes (Tabeo, Ambulalakao, Incolos and Letep – ngapos) and Junior Pulag
******* Estimated 20-30 Minutes each gap between each lakes********
13:30PM – ETA Lake Tabeo (Campsite)
******Exploration, Photo/Video Ops, RestPack Up, Clean up and Freshen Up******
14:15AM – ETD Lake Tabeo (Campsite) to Baguio City (Victory Liner Bus Terminal)
2035PM – ETA Baguio City
********Dinner at Taste Good Restaurant********
******** The team divided into 2 again: Exploring Baguio City and have a visit to Sir Christian's House*******

Day 3 - Sunday

12:30AM ETA Victory Liner Bus Terminal (Baguio City Terminal)
1:30 AM ETD Baguio City to Manila
6:30 AM ETA Victory Liner Bus Terminal (Cubao Terminal)