Mt. Tagapo (Mt. Susong Dalaga) (It's more fun in Talim Island, Binangonan, Rizal)

Isinulat ni Lakbay Diwa

Mt. Tagapo (Mt. Susong Dalaga)

It's more fun in the Philippines. It's more fun in Talim Island, Binangonan, Rizal
An adventurous gateway to Mt. Tagapo (Mt. Susong Dalaga) 

Nung nakaraang taon, napasabak ako at ang aking mga travel buddy sa iba't-ibang galaan. Madami-daming lakwatsa ang naganap, mapa-norte o mapa-south man. Narating namin ang Pagsanjan Falls (Cavinti Falls/Magdapio Falls), Hundred Islands, Mt. Batulao, Mt. Humarap (Tatlong Krus) (Matabungka Falls) at Mt. Gulugod Baboy (Mt. Pinagbanderahan). 

Ngayong bagong taon, marami ang nagsasabi na "More Travel This Year", parte ng kanilang resolution. Hindi ko ikakaila, maging ako sinabi ko sa sarili ko na hanggang kaya at may sapat na budget ay maglalakwatsa ako. Enjoyin ang buhay. Gawin mo ang pwede mong gawin at puntahan ang mga lugar na nais mong puntahan habang may oras ka pa, pagdating nang panahon alam mo sa sarili mo na may accomplishments at masasayang alaala na naganap sa iyong buhay.

Ngayong bagong taon napagplanuhan na magkaroon ng day hike climb sa Mt. Palay-Palay o mas kilala sa tawag na Mt. Pico de Loro ngunit hindi ako nakasama dahil nagkasakit ako (Wrong timing talaga). Nakakadismaya sapagkat yun pa naman ang magsisilbing New Year Climb ko dahil sa unang buwan nang panibagong taon. Hindi ko maintindihan pero bigla kong naramdaman na gusto kong gumala sa rest day ko. Marahil dahil sa pagkadismaya ko na hindi ako nakasama sa Mt. Pico de Loro at dahil na din siguro sa stress. Napagplanuhan ko na akyatin ang Mt. Tagapo o Mt. Susong Dalaga (sapagkat sa korteng dibdib ng babae ang hugis nito) kasama ang aking travel buddy na si Joviner kinabukasan na malapit lang sa Metro Manila at swak na swak sa budget. Sa totoo lang last year ko pa gusto akyatin at marating ang bundok na ito ngunit hindi ako matuloy-tuloy, pero ngayon natupad ko na. Binibiro nga ako nang iba na baka maging laman ako ng mga balita at matagpuan na lamang na nilalanggam na (alam mo kung anong tinutukoy ko).

Ang akala ko, mangyayari na ang first solo climb ko ngunit hindi pa pala yun mangyayari sapagkat sinamahan ako ng aking kaibigan. Mula duty ay umuwi ako ng bahay upang mabilisang mag-ayos ng gamit na dadalhin at tagpuin ang aking travel buddy. Tuloy pa din ang adventure kahit wala man lang idlip o pahinga. Ang tanging nasa isip ko lang nung mga oras na yun ay mag-eenjoy, mare-relax at magbubunga ang lahat ng paghihirap ko (namin). 

Ganap na 5:30 AM nang magkita kami ng aking travel buddy. Tama at mabilisang ayos lang ng gamit ang ginawa ko sapagkat day hike lang naman ang plano. Ganap na 6:30 AM na nang lisanin namin ang bahay upang magtungo na sa Mt. Tagapo. Excited kami lalo na ako kahit wala pang tulog. Ganap na 7:62 AM nang makarating kami sa EDSA Crossing upang sumakay nang Jeep biyaheng Binangonan, Rizal. Halos isang oras kaming naghintay bago umalis ang jeep patungong Binangonan, Rizal. Pinupuno kasi ang mga Jeep dito bago bumiyahe. May mga nakasabay din kaming malalaking grupo ng mga Mountaineer na mag-oovernight sa Mt. Tagapo. Ganap na 8:35 AM na nang umalis ang Jeep sa terminal. Buti pa ang kasama ko kahit papaano ay nakaidlip sa biyahe. Nung mga oras na yun ay hindi ako makaramdam ng antok, nag-soundtrip (buti na lang lagi kong dala si ipod shuffle) na lang ako upang malibang at hintaying makarating kami sa Binangonan Port. Medyo mainit na din nung mga oras na yun dahil sa sikat ng araw. Ganap na 9:41 AM nang makarating kami ng maayos sa Binangonan Port. Napangiti ako agad sa mga nakita kong ibon na nagliliparan sa mga bangka. Kahit papano ay nag-iba ang ihip at simoy ng hangin. Bago kami sumakay ng bangka patungong Talim Island kung saan matatagpuan ang Mt. Tagapo ay naglibot muna kami sa bayan upang mamili ng aming kakaining pananghalian.

Naagaw ang atensyon ko nang lumang simbahang ito sa bayan ng Binangonan. Isa lamang ito sa mga simbahan na luma, maganda at may kaakibat na istorya na makikita sa ating bansa.


For more images, just click here

Sta. Ursula Parish

ADVERTISEMENT

Pagkatapos namin mamili ay bumalik na kami sa Port upang sumakay ng bangka at magtungo na sa Talim Island. Halos dalawang oras din kaming naghintay bago umalis ang bangka. Pinupuno kasi ito bago maglayag patungong Talim Island. Ganap na 11:17 AM na nang umalis ang bangka.

Isla sa Laguna de Bay

Inakala namin na saglit lang ang magiging paglalayag namin patungong Talim Island sapagkat matatanaw mo ang isla nito. Mahigit isang oras din ang naging pamamalagi namin sa bangka. May kapalpakan pang nangyari sa amin, bumaba kami ng aking kasama sa Brgy. Buhangin na dapat ay sa Brgy. Janosa (Jump-off). Nagtaka na lang kami kung bakit kami lang ang bumaba at ang ibang mountaineers ay nanatili sa bangka. Lesson: Matutong magtanong at huwag basta-basta bababa. Natawa na lang kami sa kapalpakan na nangyari sa amin. Naiwan kami ng bangkang lumululan sa amin. Hindi namin alam kung sasakay ba ulit kami nang bangka o may iba pang daan patungo sa Brgy. Janosa. Nagtanong-tanong kami sa mga local doon (Maraming salamat sa locals at kay God) at meron daw daan doon patungong Brgy. Janosa. Nabuhayan kami ng  loob at pag-asa. Iniisip namin na malayo ito sapagkat "Barangay" ang distansya, hindi mo alam kung gaano ba kalayo yun. Nagtanong-tanong lang kami at diniretso ang sementadong kalsada. Sa kabilang banda, nakita din namin ang bangkang lumululan sa aming mga nakasabay at nakita namin na tumigil ito sa kabilang pantalan kung saan nagbabaan ang mga mountaineer. Natuwa kami sapagkat ang barangay na binabaan namin ay katabi lang din pala ng barangay na binabaan ng mga mountaineer. Ganap na 12: 44 PM nang marating namin ang Brgy. Janosa. Mula dito ay nagparegister kami. Hindi na din kami kumuha ng guide dahil sapat lang ang aming budget (nagtitipid lang?) at may mapagtatanungan naman siguro kami along the trail. "Sigurado kayo? Madami nang naligaw doon dahil madaming liko-liko doon. Yung iba nga eh sinundo namin nung gabi na? Nagpasundo sila sa amin dahil naligaw na." ito ang sabi sa amin nung lalaki sa registration area. Sa halip, humingi na lang ako ng contact number in case na may mangyari. Binigyan niya ako ng calling card, as in calling card talaga. Nung aking tignan ay contact number pala ito ng Punong Barangay (Sa mga aakyat maaari niyo itong maging reference: 09332868962 Sir Henry Arambulo, Punong Barangay ng Janosa, Talim Island, Binangonan, Rizal) Nung mga oras na yun ay may kasalan pang nagaganap sa simbahan kung saan sa gilid nito kami dadaan patungong Mt. Tagapo. Parang sign na yun nang "Tagumpay". Nagsimula ang aming adventure sa pagdaan namin sa likod ng eskwelahan hanggang sa marating namin yung riverbed, sinundan lang namin ito. May mga nakasalubong din kaming locals na napagtanungan namin. Maayos naman ang naging paglalakad namin hanggang sa ma-encounter na nga namin ang mga salu-salungat na daan.

Base sa mga blog na nabasa ko about Mt. Tagapo Trail, may puno ng mangga ka na madadaanan at sa kanan nito ang tamang daan. In our case, may nadaan kaming puno ng mangga at dumaan nga kami sa kanan nito, naging mabato at matarik ang aming dinaanan. Halos maghalo ang puyat at pagod na aming naranasan. Natampilok pa ko, ipinahinga ko ng saglit. Buti na lang hindi natuluyan kung hindi yari na. Tinanong ako ng kasamahan ko kung aakyat pa ba kami, ang naging tugon ko "Oo naman, nandito na tayo eh saka part ng experience yan at sabay ngiti na lang." Nagpatuloy kami sa aming paglalakbay. Malayo-layo na din ang aming naakyat nang may makita kaming mga local na kumukuha ng kawayan. Nagtanong kami sa kanila kung saan ba yung daan papuntang Mt. Tagapo. "Naku! Wala ba kayong guide? Iba yung inaakyat niyo, mali yung dinaanan niyo. Yun yung aakyatin niyo, yung Susong Dalaga (Sabay turo sa summit)", ang sabi ng lalaki sa amin habang inaayos ang mga kawayan. Tinanong ko kung wala bang daan dun sa inaakyat namin (pagbabakasakali lang baka meron). Agad naman siyang tumugon na "Meron, kaso malayo-layo pa ang lalakadin niyo". Sa totoo lang ang layo nga talaga nito sa summit. Sinabi na lang sa amin nung lalaki na sumabay na lang daw kami sa kanya pagbaba at ituturo daw niya yung daan. May sinabi sa akin yung kasamahan ko na meron daw daan doon malapit sa Riverbed (minsan kasi makikinig din) at ayon sa lalaking napagtanungan namin ay doon daw ang daan. No choice, wala kaming nagawa kundi bumaba at bumalik sa riverbed kung saan nandoon ang tamang daan. Ibang punong mangga pala ang nadaanan namin (madami nga naman puno ng mangga ang nag-eexist doon). Nakarating din namin muli ang riverbed at tama nga may daan pala doon pakanan. Nagpasalamat kami sa lalaki at muli kaming nagpatuloy sa aming paglalakbay. Sa totoo lang, mas madali ang naging daan namin kumpara doon sa inakyat namin kung saan kami naligaw. Kinalaunan ay naabutan namin ang ibang mga mountaineer na may guide. Dahil doon alam namin na nasa tamang daan na kami, Deo Gratias sa wakas. "Naligaw kayo noh? Sabi ko sa inyo madaming liko-liko dito eh, sumunod na lang kayo sa amin", pabirong tanong nung guide sa amin.

Hindi nagtagal ay nauna na kami sa grupo ng mga mountaineer dahil pansamantalang nagpahinga ang mga ito.

Along the trail, may nakasalubong kaming bata at guide pala ito ng isang grupo din ng mga mountaineer. Masyadong mabait yung bata, biruin mo hindi naman namin siya guide eh itinuturo niya sa amin ang tamang daan na dapat naming tahakin. Dagdag pa nga niya sumabay na lang daw kami sa Tito (Guide din) niya na nasa taas na.

Medyo nararamdaman na namin ang pagod at gutom nang maging matarik ang sinusuong naming daan. Sa wakas pagkatapos naming maligaw at mapagod, natanaw na namin ang matataas at sumasabay sa saliw ng hangin na mga damo nito. Senyales ito na malapit na kami sa summit. Kilala ang Mt. Tagapo sa madamong assault nito patungong peak.

Grassy Land. Assault to the summit of Mt. Tagapo

View from the Summit of Mt. Tagapo

Hindi na kami nag-aksaya ng oras. Excited at masaya naming tinungo ang summit nito. Ganap na 3:00 PM nang marating namin ang tuktok nito. Ang dapat na mahigit isang oras lamang na trek ay naging almost 2 hours dahil sa pagkaligaw namin. Napakaganda ng 360 degree view from the summit. Kitang-kita ang skyline ng Taguig at Makati City at maging ang mataas na Mt. Makiling sa Laguna. May mga karatig bundok pa na matatanaw mula sa summit nito, tingin ko ang isa dito ay ang Mt. Sembrano kung hindi ako nagkakamali. Mula sa summit ay nananghalian kami, nag-picturan, videohan, inienjoy ang view at syempre dinama ang malakas na hangin. Ganap na 3:24 PM nang lisanin namin ang summit ng Mt. Tagapo. Habang pababa na kami bigla ko naramdaman ang sakit sa natampilok kong paa, dahil na din siguro sa hinihila kami ng gravity at maingat na pagbaba. Muli na naman naming na-encounter ang mga liko-likong daan. Nakakatawa sapagkat muntik na naman kami maligaw dahil sa ibang daan na naman kami dumaan. Nagulat kami nang may tumawag sa amin "Sir", paglingon namin yung batang guide na mabait pala yun kasama ang Tito niya na isa ding guide. Tinanong namin kung mali ba ang daan naming tinatahak, sagot niya "Hindi po Sir, shortcut po ito". Pababa na din pala sila. Deo Gratias dahil alam namin na may kasabay na kaming bababa ng bundok na nakakaalam nang tamang daan. May nakita kaming mayabong na punong mangga at ito pala yung puno na sinasabi nila, ito pala yung punong mangga na nabasa ko sa mga blog. Natuwa kami sa kabaitan ng batang tumulong sa amin. Kahit papaano ay binigyan namin ito ng reward. Maswerte kami na nakasabay namin siya nung mga oras na yun. Malaking pasasalamat namin sa mga local na hindi nag-atubiling tumulong at sumagot sa aming mga tanong. Ganap na 4:35 PM nang makabalik kami sa port, kaso nga lang sa Brgy. Kaytome na pala kami nakababa at hindi na sa Brgy. Janosa (Jump-off). Wala naman problema sapagkat bawat barangay ay may port na dadaungan ng bangka. Mahigit isang oras din kaming naghintay sa port dahil 6:00 PM pa ang last trip ng bangka dito. Habang naghihintay kami sa pagdating ng bangka ay may mga local na nakipag-kwentuhan sa amin. Kung anu-ano ang aming mga napag-usapan, kung taga-saan daw ba kami, dalawa lang daw ba kami, first time lang daw ba namin sa lugar nila, mga estudyante daw ba kami (nakakatuwa dahil napagkamalan pa kaming estudyante, medyo bata pa pala kami tignan). Isa sa mga nakakwentuhan namin ay inirekomenda niya ang kanyang sarili bilang guide kung sakaling babalik kami o may kakilala kami na pupunta doon na gusto magpa-guide (sa mga magnanais umakyat, maaari niyong kontakin si Sir Den 09489908692 upang maging guide niyo). Ang swerte namin dahil inabutan kami ng sunset sa port, ang ganda pagmasdan ng araw habang humahampas sa iyo ang malamig na simoy ng hangin. Nakakatuwa din pagmasdan ang mga ibon na nagliliparan.

Ganap na 5:57 PM nang umalis na ang bangka naming sinasakyan pabalik sa Binangonan Port. Ang lamig ng hangin nung mga oras na yun. Pinagmamasdan ko lang ang ganda ng lugar at ang summit ng Mt. Tagapo. Mahigit isang oras din ang naging paglalayag namin. Ganap na 7:24 PM nang makabalik kami sa Binangonan Port at mula dito ay sumakay na kami ng Jeep biyaheng EDSA Crossing. Habang nasa biyahe kami pabalik ng Metro Manila ay pabagsak-bagsak ang ulo ko, doon ko lang namalayan na napagod at nakaramdam ako ng antok dahil na din sa wala pa nga akong tulog at sobrang pagod na din. Nakakahiya nga sa Jeep dahil parang nag-hehead bang ako. Ganap na 8:54 PM nang makabalik kami sa EDSA Crossing.

Nag-enjoy talaga ako (kami) sa day hike adventure na iyon. Kahit alam kong wala pa kong tulog, pakiramdam ko na-relax ako. Pansamantala ulit nakatakas sa ingay at gulo ng lungsod. Sulit ang lakwatsa. More mountains to climb. More places to visit. More memories to be captured and treasured.


Capture Only Memories, Leave No Traces

Looking for more adventures, read about: 

Pagsanjan Falls
Mt. Batulao
Mt. Humarap (Tatlong Krus) and Matabungka Falls
Mt. Gulugod Baboy (Mt. Pinagbanderahan)
Hundred Islands


Actual Itinerary - Mt. Tagapo (Mt. Susong Dalaga)
As of January 11, 2014

Talim Island, Laguna de Bay
Major jump-off: Brgy. Janosa (Talim Island) Binangonan, Rizal
LLA 14.32° N 121.23° E, 438 MASL
Days required / Hours to summit: 1 day / 2 hours
Specs: Minor climb, Difficulty 2/9, Trail class 1-2
Last updated: April 23, 2012
Source: pinoymountaineer.com

DAY HIKE: January 11, 2014 Saturday

05:30 Meet-up Balintawak, Quezon City
06:30 ETD EDSA Crossing
07:62 ETA EDSA Crossing
*****Ride a Jeep bound for Binangonan, Rizal******
08:35 ETD to Binangonan Port
09:41 ETA to Binangonan Port
*****Buy packed foods for lunch and also for trail foods******
*****Ride a boat bound for Brgy. Janosa in Talim Island****
11:17 ETD to Brgy. Janosa, Talim Island
12:44 ETA Brgy. Janosa (Jump-off) Mountaineer's Registration. Jump-off  point for the trail up
          the mountain.
***Register and pay a fee of Php 20.00/px (Subject to Change) per person at the jump-off
      point.Last minute check/Pray for our safety.
12:45 ETD Jump-off
****Start Trekking*********
15:00 ETA Summit
*****Exploration, Photo Ops, Video Ops, Lunch*******
15:24 ETD to Jump-off
16:35 ETA Brgy. Kaytome (It should be Brgy. Janosa (Jump-off))
******Chitchat with the locals, Photo Ops and Video Ops*****
17:35 ETD to Binangonan Port
19:24 ETA Binangonan Port
19:24 ETD Binangonan Port to Metro Manila
20:54 ETA EDSA Crossing


Expenses:

Transportation

Balintawak to EDSA Crossing via Ordinary Bus Php 19.00/px (vice versa)
Jeep from EDSA Crossing to Binangonan, Rizal Php 41.00/px (vice versa)
Boat from Binangonan Port to Brgy. Janosa, Talim Island Php 30.00/px (vice versa)

Food

Jollibee Chicken Joy with Regular Soft Drinks Php 79.00 each (2 pcs)
Rice Php 20.00 (2 pcs)
Burger Machine's Burger Php 41.00 (2 pcs)

Registration

Mountaineer's Registration Php 20.00

Guide is not required but it is advisable to get hire for the first timers or to those who are not farmiliar with the trail.