Second Time Around: Revisiting Ilocandia

11/10/2018

Calle Crisologo

Travel is the healthiest addiction. Just go! Go see all the beauty in the world.

For the second time around, muli kong nabisita ang Ilocandia! At ang nakakatuwa doon ay, muli akong nagdiwang ng aking kaarawan sa nasabing lugar! That time, ang mga nakasama ko naman ay aking good officemate friends. Happiness is, having a co-worker who becomes a friend. Syempre katulad ng dati, hindi magiging masaya at matagumpay ang lakad na ito kung wala ang 5 Angels Travel and Tours na subok na! Mapagkakatiwalaan, maayos mag-organize ng lakad at higit sa lahat ay napaka-friendly ng mga staff (Hi Maám Kheyce and Sir Prappy!). Sa mga naghahanap ng travel and tour agency, inirerekomenda ko 5 Angels Travel and Tours.

Bago ko ibahagi ang mga naging karanasan namin, narito ang aking unang naging karanasan na paglalakbay sa Ilocandia (The Beauty and Treasures: Ilocandia Adventure).

Masarap gumala. Masarap mag-adventure. Marami kang matutunan at matutuklasan sa bawat lugar na iyong pupuntahan. At higit sa lahat, marami ka ding matutuklasan at matutunan sa iyong sarili.

Masaya sapagkat hindi ko akalain na makalipas lamang ang isang taon ay makakabalik ako agad sa Ilocos. Masaya dahil bukod sa pansamantalang pagtakas sa stress, ingay at ka-busyhan ng buhay sa lungsod ay muli akong nakalasap ng sariwang hangin at muli kong nalasap ang alat ng dagat. Masaya mabuhay!

Kakatapos lamang manalasa ng Typhoon Queenie nang bisitahin namin ang Ilocos. Bakas sa ilang lugar doon ang pinsalang iniwan ng nasabing bagyo. Ilan lamang sa mga napinsalang lugar ay ang dinarayong Calle Crisologo. Ngunit ganun pa man ang nangyari, para sa mga Ilokano tuloy pa din ang buhay!

Ganoon pa din! Ang init ng araw na tila sinusunog ang iyong balat sa matinding sikat nito. Ang nagagandahang mga tanawin ng lugar sa kabila ng medyo tinamo nitong pinsala mula sa nagdaang bagyo. Ang walang kupas na mga matatamis na ngiti ng mga tao doon. Na tila baga walang nagdaang bagyo sa kanilang lugar.

Sa panibagong karanasan na ito, naranasan ko na ang 4x4 Sand Dunes Adventure sa Paoay! Noong una kasi ay hindi namin ito sinubukan. Ang sarap sa pakiramdam na para kang binabalibag sa bawat mabilis na pagtakbo ng sasakyan, lalo na sa mabilis na pagtakbo nito sa pababang parte. Namalayan na lang namin na nagtatawanan na lang kami. Talagang sobrang enjoy!

Mataya taya, mataya taya. Pagkabilang ng tatlo, takbo tayo papalayo.

Sa ikalawang karanasan ding ito sa Ilocos ay natikman ko na ang pinagmamalaki nilang authentic empanada! Sa totoo lang piling gulay lang kasi ang aking kinakain. Pero masasabi kong masarap pala ang empanada lalo na kong bagong ahon lamang ito mula sa pagkaka-prito. Malalasap mo lalo ang init at lasa nito. Syempre masarap kumain nito kung may kasamang malamig na malamig na inumin.

Authentic Empanada

Enjoyin mo ang bawat lugar na iyong pupuntahan sa pamamagitan ng paningin, pakiramdam, pag-ngiti at pagtawa. Narito ang ilan sa mga larawan na aking kuha.

Paoay Church

Horse Riders (Kapurpurawan Rock Formations)

Going to Kapurpurawan Rock Formations

Waves (Kapurpurawan Rock Formations)

Sunset (Thank you Lord)

How great is our God? (Taken at Bantay Abot-Cave)

Bangui Windmills

Syempre hindi kumpleto ang adventure kung walang kainan! Did you know that Bagnet is called "Chicharon" in Ilocos? Sa totoo lang, isa ito sa aking rason kung bakit pinili kong bumalik sa Ilocos!

Bagnet with scrambled egg, pepino and atsara.

Hidden Garden

Ang walang kupas na Hidden Garden Restaurant kung saan makakapamili ka ng mga authentic Ilocos delicacies. Kung food trip ang hanap mo, maaari mo itong sadyain.

Group Picture

Officemate Friends (From left: Rommel, Zarah, Ron, and Jhanssen) at Calle Crisologo

Isa sa pinakamasarap na moment ay yung magka-kape lang kayo habang pinag-uusapan lang ninyo ang mga masasayang karanasan sa adventure. Yung isinasantabi muna ninyo yung buhay sa trabaho at personal na buhay. Enjoy every moment! Real men drink coffee!

#NMIlocos

At mukhang nataon yata talaga ang lakad naming ito dahil sa #NMIlocos kung saan ang pinagtratrabahuhan naming kumpanya ay NMI.

May ilang lugar din na bigo kong mabisita nung unang punta ko sa Ilocos dahil sa kulang ng oras, isa na rito ay ang National Museum of the Philippines Ilocos Complex.

Mula rito ay makikita mo ang sinaunang paraan ng Paghahabi. Ang Paghahabi ay ang proseso kung saan pinagsasala-sala ang mga grupo ng mga sinulid na pahaba at pahalang upang makagawa ng tela.

Watching: Weaving Process (Traditional Way)

Bukod sa mga bagong kasama at karanasan sa adventure na ito, ano ang bago? Ang hindi inaasahang side trip namin sa Graciano's Cove. Thank you Maám Kheyce at Sir Prappy of 5 Angels and Travel Tours! Hindi na kasama ito sa itinerary ng lakad eh pero hindi namin akalain na may bonus pa pala.

Napaka-ganda ng Graciano's Cove, katulad ng ilang lugar ay maihahalintulad din ang tanawin dito sa Batanes. Ang masarap na simoy ng hangin na mula sa karagatan at higit sa lahat ay ang sunset na kay sarap panuodin dito.

Maraming Salamat Panginoon sapagkat naging masaya at successful ang adventure naming ito. Maraming Salamat din sa mga nakasama at higit sa lahat kina Sir Prappy at Ma'am Khaycee ulit ng 5 Angels Travel and Tours. Hindi magiging matagumpay at masaya ang adventure na ito kung hindi naging matagumpay ang pagka-organize niyo sa lakad nating ito.