Second Time Around: Revisiting Sagada, Mt. Province

Second TIme Around: Revisiting Sagada, Mt. Province

10/26/2019

You can visit the same place over and over again and see it differently each time.

For the second time around, muli kong nabisita ang Sagada! At ang nakakatuwa doon ay, muli akong nagdiwang ng aking kaarawan sa nasabing lugar! That time, ang mga nakasama ko ulit ay ang aking good officemate friends. Syempre katulad ng dati, hindi magiging masaya at matagumpay ang lakad na ito kung wala ang 5 Angels Travel and Tours na subok na! Mapagkakatiwalaan, maayos mag-organize ng lakad at higit sa lahat ay napaka-friendly ng mga staff. Sa mga naghahanap ng travel and tour agency, inirerekomenda ko 5 Angels Travel and Tours.

Bago ko ibahagi ang mga naging karanasan namin, narito ang aking unang naging karanasan na paglalakbay sa Sagada (The Stunning Beauty Of Sagada).

Masarap gumala. Masarap mag-adventure. Marami kang matutunan at matutuklasan sa bawat lugar na iyong pupuntahan. At higit sa lahat, marami ka ding matutuklasan at matutunan sa iyong sarili.

Masaya sapagkat hindi ko akalain na makalipas lamang ang isang taon ay makakabalik ako agad sa Sagada. Masaya dahil bukod sa pansamantalang pagtakas sa stress, ingay at ka-busyhan ng buhay sa lungsod ay muli akong nakalasap ng sariwang hangin at muli kong nasaksihan ang dinarayong Sea of Clouds ng Sagada. Masaya mabuhay!

Hindi tulad ng una, mas naging masaya at maayos ang aming lakwatsa dahil mas kakaunti ang mga turista na dumayo noon sa Sagada. Mas na-appreciate ko lalo ang ganda ng kapaligiran at mas nakapag-reflect ako sa buhay noong mga oras na iyon.

Bago makarating ng Sagada, ang unang stop over namin ay ang Banaue, Ifugao kung saan makikita ang isa sa ipinagmamalaki ng ating bansa, ang Banaue Rice Terraces.

One of the souvenir shops in Banaue, Ifugao.

Well, ang advice nga sa amin ng naging guide namin sa Sagada ay mas mainam na bumisita sa kanilang lugar during weekdays dahil mas kakaunti ang mga tao lalo na sa Sumaguing Cave at Marlboro Hills.

Actually, ang naging adventure naming ito ay tumapat din ng weekend, hindi nga lang holiday (long-weekend) katulad nung una naming karanasan sa Sagada (The Stunning Beauty Of Sagada).

During that time, mas nakapag-libot kami sa town ng Sagada dahil kahit papaano ay alam na din namin ang mga lugar na dapat naming puntahan (yung mga lugar na hindi namin nabisita). Katulad na lamang ng Church of St. Mary the Virgin (Angelican Church), na sinasabing pinakamatandang simbahan sa Cordillera Region. Katulad ng ibang matatandang simbahan sa ating bansa ay bibilib ka sa mga materyales na ginamit sa pagtayo nito. Ito ay itinayo noong 1904 sa pangunguna ng isang American Missionary na si Rev. John Staunton.

The Church of St. Mary the Virgin in Sagada Mountain Province

Entrance of the church.

Kung usapang pasalubong, madami ding souvenir shops na maaari mong pagbilhan upang ipamigay sa iyong mga mahal sa buhay.

Wala pa ding pinagbago ang gandang taglay ng Sagada, at talagang babalik-balikan mo kung nais mong pansamantalang makapag-reflect sa buhay at makalanghap ng sariwang hangin.

Here comes the sun! Marlboro Hills, Sagada, Mt. Province

Sea of Clouds

ADVERTISEMENT

Muli din naming binisita ang Bomod-ok Falls. Napansin lang namin na tila nagkaroon ng landslide sa ilang parte ng trail patungo sa nasabing falls. Ngunit hindi kami nabigo sa aming nasaksihan dahil mas malakas ang bulusok ng tubig noong mga oras na iyon.

Bomod-ok Falls

Siyempre hindi kumpleto ang pagbisita mo sa Sagada kung hindi mo sasadyain ang Sumaguing Cave. Kahit papaano ay mas kaunti ang mga tao sa loob ng kuweba kumpara nung una naming pagbisita.

Inside Sumaguing Cave

Higit sa lahat, siyempre hindi kumpleto ang adventure kung walang food trip. Sa wakas, natikman ko din ang hot choco ng Sagada!

Hot Choco

TapSilog

Chocolate Cakes with Red Wine.

Napaka-cozy ng atmosphere dito sa Sagada Brew.

Maraming Salamat Panginoon sapagkat naging masaya at successful ang adventure naming ito. Maraming Salamat din sa mga nakasama at bagong mga nakasama at higit sa lahat kina Ma'am Khayce ulit ng 5 Angels Travel and Tours. Hindi magiging matagumpay at masaya ang adventure na ito kung hindi naging matagumpay ang pagka-organize niyo sa lakad nating ito.