The Beauty And Treasures: Ilocandia Adventure (Ilocos Norte And Ilocos Sur)

The Beauty And Treasures: Ilocandia Adventure (Ilocos Norte and Sur)

10/21/2017

Bangui Wind Mills

To Travel is to live. Adventure is out there. Travel changes you.

To Travel is to live, muntik ko na yata itong makalimutan. Last adventure ko pa ay sa Mt. Manabu at last year pa! Sa totoo lang medyo nagbago ang aking pananaw at prayoridad sa buhay, siguro marahil na din sa dala ng panahon, tumatanda na din tayo (sign of aging and maturity :p). Naging matumal ang aking adventure at travel life. Ngayong taon kasi ay mas nag-focus ako sa personal development and financial growth. Sa totoo nga niyan ay inilunsad ko ang Personal Development and Finance blog ko na Kuripot Pinoy, upang makatulong din sa ibang tao sa larangan ng Financial Education. Maaari mo din itong bisitahin at sana may matutunan ka.

Balik tayo sa topic, ang aming Ilocandia Adventure. Paano nga ba ako nakapag-decide na sa Ilocos ang susunod na adventure? Overworked at stress, ito ang naging dahilan kung bakit nabuo ang plano. Alam mo yung feeling na parang sasabog ka na? Kaya na-realize ko na hindi na puwede ito, kailangan ko din mag-relax. Isa sa mga realization at natutunan ko, ok lang naman mag-travel basta may travel fund ka at hindi nasa-sacrifice ang savings or emergency funds mo. Saka Birthday Treat ko na din ito para sa aking sarili.

Niyaya ko ang mga kaibigan ko at napag-desisyunan na nga na sa Ilocos ang aming lakad, basta daw malayo sa Manila para hindi daw namin ramdam ang stress at ingay ng lungsod. Isa pa, hindi pa din namin kasi ito nararating.

Sa mga travel blog na nabasa ko tungkol sa Ilocos ay mas hassle at time consuming kung mag-do-it-yourself pa dahil sa madaming sakay at magkakalayo ang mga lugar. Kaya nag-search kami ng Travel and Tours Agency para sa aming Ilocos Adventure at natagpuan namin ang 5 Angels Travel and Tours.

Naging masaya, enjoy at safe ang aming adventure sa Ilocos sa tulong ng nasabing Travel Agency. Kakaiba din ang karanasan kapag Joiners Tour ang sinamahan mo (ito kasi ang inavail namin na tour dahil unti lang din kami, nag-back out kasi yung iba :(), mas madami kang makikilala, makakapalitan ng mga karanasan sa travel at adventure at higit sa lahat ay magkakaroon ka ng mga bagong kaibigan.

Sa unang araw namin sa Ilocos Region, ang una naming tinungo ay ang Ilocos Norte kung saan ang mga lugar na aming pinuntahan ay ang mga sumusunod: Ilocos Norte Welcome Arch, Paoay Church, Sand dunes, Paoay Lake, Malacañang of the North, Dragon Fruit Farm, Cape Bojeador Light House, Kapurpurawan White Rock Formation, Bangui Wind Mills, Pagudpud Welcome Arch, Paraiso ni Anton, Bantay Abot Cave at Blue Lagoon kung saan kami puwede mag-swimming.

Hindi din biro ang init lalo na sa Sand dunes, sa mga ayaw mangitim inirerekomenda na magdala ng sunblock, sombrero at payong. Syempre huwag na huwag kakalimutan ang maiinom na tubig, may mga nagbebenta naman sa ilang lugar.

Photo ops: Ilocos Norte Welcome Arch. Pasado 6:00 AM na din ng makarating kami sa Ilocos Norte. Syempre ang lahat ay masaya at excited.

with my friend Jeffrey, nag-back out kasi yung iba. Drawing :(

Group Picture: Joiners with Ma'am Khaycee of 5 Angels Travel and Tours

Tamang picturan lang at agad na din kami nagtungo sa Paoay kung saan matatagpuan ang Saint Augustine Church o mas kilala sa tawag na Paoay Church. Ito ay idineklarang National Cultural Treasure ng ating gobyerno noong 1973 at nakabilang sa UNESCO World Heritage Site sa ilalim ng Baroque Churches of the Philippines noong taong 1993.

Masuwerte kami noong araw ding yun sapagkat ang unti lang ng mga tao kaya malaya akong nakakuha ng mga litratong nais ko.

Saint Augustine Church, commonly known as Paoay Church

Sunod naming binisita ay ang Paoay Sand dunes kung saan maaari kang mag-enjoy sa 4x4 Ride and Sandboarding Adventure. Paalala lamang lalo na kung may kasamang bata at matatanda, sobrang init sa lugar na ito lalo na't tirik ang araw. Mainam na magdala ng inuming tubig.

4x4 Ride Adventure

Sandboarding Adventure

Matapos ang mainit ngunit masaya at nakakatawang adventure sa Paoay Sand dunes ay nagtungo naman kami sa Paoay Lake at Malacañang of the North.

Sa Malacañang of the North, makikita at malalaman mo ang tungkol sa buhay ng pamilya Marcos at maging mga nagawa ni dating Pangulong Ferdinand Marcos.

View of Paoay Lake inside Malacañang of the North

Sa hindi kalayuan ay matatanaw ang Paoay Lake o kung tawagin ay Dacquel a Danum na ang ibig sabihin sa salitang Ilokano ay "Big Water". Ito ang pinakamalaking lawa o lake sa probinsya ng Ilocos Norte. Narito ang alamat ng Paoay Lake na galing sa aming Tour Coordinator.

The Legend of Paoay Lake

Long ago, in this once-dry land where Paoay Lake now stands, there was a village whose people were kind, generous and God-fearing. Prosperity was evident in their beautiful houses, their expensive clothes and glittering jewelries.

As years passed, rivalry among the people set in, that they worked hard to acquire material things more than the others. God-worship was forgotten among them, Juan and his wife Maria, remained simple folks and never forgot to worship God. One night, in a dream they were told that the village will be destroyed by a flood, if the people will not reform. They related their dream to their neighbors, but they only laughed at them.

One morning the couple heard a voice saying, "Leave this place tonight. When you hear the roar of thunder, do not look back, lest you suffer the same fate as these sinners." When dusk came, they left with their little belongings towards the hill. Then they heard the clap of thunder and felt the earth beneath them sway and tremble. The villagers were roused, but their cries died down as they were submerged under the rampaging water. The woman instinctively turned back to look at the village. She swooned and the husband tried to hold her.

This tuggling gave the same "Nangguyudan." They turned into rocks which can still be seen today at Bantay Pugaro. Atop one rock grew a "bangar" tree which rises to the sky like an open umbrella.

As years went by at the place where the village sank, a beautiful lake emerged, and is now the famous Paoay Lake. Today, they said if one looks into the depths of the lake, one could see the shadows of the buildings and houses of the once prosperous village. Fishermen reported catching fishes adorned with jewels. It is beliewed that these were the early inhabitants of the ill-fated village.

Source: The People of Paoay, Ilocos Norte

Ang Alamat ng Paoay Lake ay maihahalintulad sa bibliya kung iyong matatandaan:

In the Bible, Lot's wife is a figure first mentioned in Genesis 19. The Book of Genesis describes how she became a pillar of salt after she looked back at Sodom.

Matapos ang aming historical tour sa Malacañang of the North ay bumisita naman kami sa Refmad Dragon Fruit Farm. Sa totoo lang, isa sa mga pangarap ko ay magkaroon din ng sariling farm kung saan ka magreretiro, magka-kape at malaya ka na makapaglakad-lakad sa iyong taniman. Kung bibisita ka din ay huwag na huwag mong palalampasin na hindi matikman ang Dragon Fruit Ice Cream sa halagang Php 25.00 lamang. Bumili din ako ng Dragon Fruit Tea, dahil curios ako sa lasa nito.

Refmad Dragon Fruit Farm

Dragon Fruits

Dragon Fruit Ice Cream

Dragon Fruit Tea

Mula Dragon Fruit Farm ay nagtungo naman kami sa Kapurpurawan White Rock Formation! Sa daan pa lamang ay aming natanaw na ang ilang naglalakihang mga windmills at syempre ang amoy ng simoy ng dagat. Ang Kapurpurawan White Rock Formation ay natural na likha ng kalikasan, sa tulong ng panahon, tubig at malakas ng hangin. Ang sarap tumambay sa lugar na ito sapagkat ramdam mo ang malakas na hangin at magandang tanawin.

Ilan sa mga windmill na aming dinaan patungong Kapurpurawan White Rock Formation. Sa totoo lang nung madaanan namin ito, ang unang pumasok sa aking isipan ay ang lugar sa Teletubbies.

Biag ni Lam-ang

Windmills as seen from Kapurpurawan White Rock Formation

Kapurpurawan White Rock Formation

Walang akong masabi kundi napaka-ganda. Ang galing ni Lord lumikha! Inakala namin na yung mga nadaanan at nakita naming mga windmill ay yun na ang aming pupuntahan ngunit hindi pa pala dahil hindi pala yun ang mga original o una na windmills na ating nakikita sa mga post card o mga imahe sa internet. Ang una pa lang windmills ay matatapuan sa Bangui Windmill Farm. Take Note: Ito ang kauna-unahang power generating windmill farm sa Southeast Asia.

Nagtataka ka ba kung bakit walang nagsi-swimming dito? Ayon sa aming Tour Coordinator ay dahil daw sa malalim at unpredictable na lakas ng alon ay masyadong delikado.

Sa aking pagmasid sa kalawakan ng dagat ay sumagi sa aking isipan na bandang norte pa na iyon ay matatagpuan muna ang Babuyan Islands at ang probinsya ng Batanes na nais ko ding marating.

Bangui Windmills

First Generating Windmill Farm in Southeast Asia

The project cost for Phase I amounted to USD$23 million.

Welcome to Pagudpud! It is the northernmost settlement on Luzon Island and a popular tourist destination because of its resorts and beaches.

Pagudpud Welcome Arch

Mula Welcome Arch ng Pagudpud ay tinungo namin ang sinasabing Paraiso ni Anton. Sinabi ng aming Tour Coordinator na ang tubig na mula sa isang bukal or water source (term ng mountaineers sa kabundukan kung saan maaaring kumuha ng inuming tubig) ay nakakagaling daw dahil sa milagro. Dagdag pa niya na nagmula daw ang pangalan ng lugar sa isang foreigner na hunter na nagngangalang Antonio na kaibigan daw ni dating Pangulong Marcos na napabilib daw sa taglay at yaman ng lugar. May ilang kwento din na may white lady daw umano na nagpapakita sa mga motoristang nagdadaan sa lugar at sa tuwing dadaan daw sa lugar na ito ay kinakailangan bumusina.

Medyo ramdam na din namin ang pagod dahil mula Manila ay diretso agad kami sa aming tour at higit sa lahat ay gusto na din naming maligo! Medyo amoy pawis na din kasi dahil sa sobrang init (Hahaha). Pero hindi pa natatapos ang aming day 1 adventure dahil ang sunod naming pinuntahan ay ang Bantay Abot Cave at Blue Lagoon kung saan kami puwedeng mag-swimming.

Ang Bantay Abot Cave ay hindi talaga literal na kuweba, Oo hindi. Ito ay likhang butas dulot ng lindol sa isang hill. Ito ay inihahalintulad din sa Nakabuang Arch ng Sabtang, Batanes dahil sa umano'y pagkakahalintulad ng mga ito.

Bantay Abot Cave

Hindi naman nalalayo ang Blue Lagoon sa Bantay Abot Cave. Nadaanan din namin ang Hannah's Beach Resort kung saan matatagpuan ang pinaka-mahabang Zipline na may habang 1.2 kilometer at sinasabing pinaka-mahabang zipline over the water sa buong mundo.

Ang Blue Lagoon naman kung saan kami nagtungo ay perpekto din para sa family gathering, barkada trip at maging sa team building. Sa totoo nga niyan ay may naabutan kaming mga staff ng isang eskwelahan na mula pa sa Cagayan.

Bago pa man kami magtungo sa aming accommodation ay dinaanan muna namin ang sikat na Patapat Viaduct, kung saan panalo mag-photo ops dahil sa magandang tanawin.

Patapat Viaduct

Kaunting pag-iingat lamang baka may sasakyang parating

Plinano din sana naming bisitahin ang Cape Bojeador Light House upang makita namin ang natural na liwanag nito sa gabi. Nagkwe-kwento pa nga ang aming tour coordinator ng mga kababalaghan sa nasabing light house. Ngunit tila ang lahat yata ay tinamaan na nang pagod kaya hindi na kami natuloy at sa halip ay dumiretso na kami sa accomodation upang makapag-pahinga at makaligo na.

Maayos din ang naging accomodation namin sa unang araw ng aming adventure. Saan nga ba?Walang iba kundi sa Palalay Hotel sa Burgos, Ilocos Norte. Okay din ang amenities ng nasabing hotel, kung gusto mo din mag-swimming ay walang problema sapagkat may swimming pool din ito. Medyo may kamahalan nga lang ang pagkain ngunit ito ay masarap at bagong luto.

Ang maganda lang sa na-avail naming tour package ay libre ang dalawang araw naming breakfast!

Hindi din agad kami nakatulog syempre hindi mawawala ang kwentuhan at tawanan.

Marahil nagtataka ka kung bakit napakadaming bawang na nakasabit? Sa totoo lang ay hindi din namin alam, baka dahil may aswang! Joke! Baka para sa kanilang pagluluto.

Sa ikalawang araw namin sa Ilocos Region, ang sunod naman naming tinungo ay ang Ilocos Sur kung saan ang mga lugar na aming pinuntahan ay ang mga sumusunod: Hidden Garden, Paburnayan Jar Making, Bantay Bell Tower at Vigan City (Calle Crisologo, St. William Cathedral (Laog Cathedral), Heritage Village, Plaza Burgos, St. Paul Cathedral, Crisologo Museum, Plaza Salcedo, Syquia Mansion, Empanada Making.

Ngunit bago pa man namin tuluyang lisanin ang Ilocos Norte ay amin munang binisita ang ilan pa sa mga lugar katulad na lamang ng Cape Bojeador Light House na may kalapitan lamang pala sa aming tinuluyan sa unang araw. May option ka upang marating ang nasabing light house, una ay sumakay ng tricycle at ikalawa ay ang maglakad. Syempre ang pinili namin ay ang maglakad para mas ma-enjoy namin ang lugar. Sa totoo lang hindi naman malayo, medyo pataas nga lang ang kalsada.

Kung makikita mo lamang ang Cape Bojeador Light House ay talagang mabibighani ka sa taglay nitong ganda, hindi lamang dahil sa natural na kalumaan nito ngunit dahil pagkarating mo sa taas ay makikita mo ang kalawakan ng karagatan sa norte (open sea). Hindi nga lamang puwedeng akyatin ang mismong parola nito dahil na din siguro sa kalumaan nito. Sa loob ng Cape Bojeador Light House ay may ilang litrato na nagbibigay impormasyon kung kailan at paano ito nabuo.

Cape Bojeador Light House

Creepy ba?

Kaya ko kaya matulog dito sa loob ng isang gabi?

Sunod naman naming binisita ay ang Sinking Bell Tower na matatagpuan sa Laoag City. Ito ay nilikha ng mga Augustinian Friars noong 1580. Sa paglipas ng panahon ay unti-unti na daw itong lumulubog dulot ng malambot na lupa at lindol.

Sinasabi nila na kasya ang sinlaki ng kabayo na makapasok dito ngunit ngayon ay kinakailangan mo ng yumuko at gumapang. Take Note: Bawal nang pumasok sa loob nito dahil mahina na ang pundasyon at masyado ng delikado.

Amin ding binisita ang Bacarra Bell Tower na matatagpuan sa Bacarra, Ilocos Norte. Katulad din ng Sinking Bell Tower ito din ay biktima ng lindol kaya unti-unti na din nasisira sa paglipas ng panahon.

Bacarra Bell Tower

Mula Ilocos Norte ay byaheng Ilocos Sur naman kami. Una naming binisita ay ang Baluarte ni Singson. Ito din ay kilala sa tawag na Baluarte Zoo na isang zoological park na matatagpuan sa Vigan, Ilocos Sur. Makikita mo din dito ang ilang mga hayop na hindi talaga nagmula sa Pilipinas at higit sa lahat makikita mo sa Safari Gallery ang mga hayop na napatay ni Luis Crisologo Singson o mas kilala bilang Chavit Singson.

Si Jef at ang Ostrich, pakiramdaman sila.

Safari Gallery

Sa totoo lang nakakaawa tignan ang mga hayop na nakakulong katulad na lamang ng matandang leon na ito.

Medyo nakaramdam ang lahat ng gutom kaya naisipan namin na bisitahin ang Hidden Garden, kung saan sila ay nagse-serve ng Ilocos Delicacies and Cuisines. Take Note: Medyo may kamahalan ang presyo dito lalo't kung ang hanap mo ay budget meal lamang pero sasabihin ko sayo na masarap ang pagkain dito at panalo naman ang gastos mo.

Ang kagandahan sa Hidden Garden ay hindi lamang ito restaurant dahil meron din silang exhibit at ilang galleries. Meron din ditong halamanan kung saan maaari kang bumili.

Matapos namin mabusog ay nagpatuloy na kami sa aming historical adventure para sa aming day 2 adventure. Tinungo namin ang Paburnayan Jar Making na isa sa mga famous at kinakailangang mabisita sa Ilocos Sur. Ang paglikha nila ng mga paso at jar dito sa lumang proseso (Traditional Way).

Mula Pagburnayan Jar Making ay tumulak naman kami patungong Bantay Church Bell Tower. Ang Bantay Church Bell Tower ay isa sa mga iconic symbol ng Vigan, Ilocos Sur.

Bantay Church Bell Tower

Quirino Bridge as seen from Bantay Bell Tower

Kapag narinig mo ang Ilocos, ano ang unang pumapasok sa isip mo? Windmills at syempre ang Calle Crisologo na matatagpuan sa Vigan City, Ilocos Sur.

Dahil ang accomodation namin para sa ikalawang ay may kalapitan lang din sa Calle Crisologo at ang aming check in time ay 7:00 PM pa, ang ilang oras ay nagsilbi nang free time para sa aming lahat upang libutin ang Vigan City. Medyo past 4:00 PM na din kasi kami nakarating sa nasabing lugar kaya hindi na namin naabutan ang visiting hours ng ilang lugar gaya na lamang ng mga museum, nakakapanghinayang ngunit kinakailangan mag-enjoy. Kahit papaano ay may rason pa para bumalik ng Ilocos. Narito ang ilan sa mga lugar na aming nabisita sa Vigan City.

Calle Crisologo

Vigan Dancing Fountain, sayang dahil under-maintenance nung bisita namin.

Vigan Catherdral, also known as the Metropolitan Cathedral of the Conversion of St. Paul the Apostle

Syempre hindi namin puwede palagpasin na hindi matikman ang Bagnet Pizza sa Comida Del Bistro.

Comida Del Bistro

Yummy! Bagnet Pizza!!

Mga Hugot sa Comida Del Bistro

Matapos ang masayang pamamasyal sa Vigan City at mabusog at matikman ang Bagnet Pizza (craving ako as of this time na nag-blog ako about sa adventure na ito) ay nagtungo na kami sa aming accomodation para sa ikalawang araw.

Sa aming ikatlong araw, ang nakakalungkot sa lahat dahil alam naming babalik na kami sa totoong buhay. Ang magbalik sa maingay at nakaka-stress na lungsod ng Manila pero bago ang lahat ay may ilang lugar pa kaming binisita para sa aming 3rd day adventure.

Matapos mag-breakfast at mag-check out sa aming tinuluyan ay agad na kaming nagtungo sa Banaoang Bridge o kilala din sa tawag na Quirino Bridge. Itong tulay na ito ang nagdurugtong sa bayan ng Santa at Bantay.

Quirino Bridge

Group Picture

Binisita din namin ang Villas Vitalis. Vitalis Villas is the most exclusive of luxury accommodations perched high on the mountain cliffs overlooking the sea and the beautiful Santiago Cove. It is a beautiful Santorini-inspired resort.

Syempre sa bawat travel hindi puwedeng bumalik ng Manila na hindi dumadaan sa Pasalubong Center. Hindi natapos sa Ilocos ang aming adventure dahil nag-sidetrip pa kami sa La Union at Baguio City bago bumalik ng Manila.

Sa kabila ng stress at pagka-dismaya na idinulot ng mga nag-back out na kasama namin dapat sa lakad na ito ay masasabi ko na hindi ko makakalimutan ang adventure na ito. Una, dahil kakaiba pala ang pakiramdam at saya na sumama sa isang joiners event (na ikaw mismo ang nag-lead sa small group niyo na sumama sa isang adventure na may kasamang iba na katulad nito). Nakakatuwa dahil may mga bago kang makikilala at makakapalitan ng mga experience sa adventure at travel. Ikalawa, kakaibang experience talaga kapag alam mong ang adventure na iyong pupuntahan ay napakalayo sa iyong lugar na tinutuluyan o pinagmulan, yung tipong ramdam na ramdam mo yung freedom.

Maraming Salamat Panginoon sapagkat naging masaya at successful ang adventure naming ito. Maraming Salamat din sa mga nakasama at higit sa lahat kina Sir Prappy at Ma'am Khaycee ng 5 Angels Travel and Tours. Hindi magiging matagumpay at masaya ang adventure na ito kung hindi naging matagumpay ang pagka-organize niyo sa lakad nating ito.