The Stunning Beauty Of Sagada

12/9/2018

Sunrise: Marlboro Hills, Sagada, Mt. Province

Don't just work, take a vacation. Treat yourself! You deserve it!

Before leaving the office. Mga excited!

Fill your life with adventures, not things. Have stories to tell not stuff to show. Travel makes one modest. You see what a tiny place you occupy in this world. Travel makes you realize that no matter how much you know, there's always more to learn. Travel gives you a new perspective and lets you meet some great people along the way.

Group picture before going back to Manila. (Taken at Baguio City)

Once a year, go someplace
you've never been before.

Dalai Lama

Hindi pa man kami nakaka-move on (SepAnx) sa aming masayang Ilocandia Adventure ay heto, agad na nasundan ang aming adventure. Kasama ang 5 Angels Travel and Tours ay nag-biyaheng norte ulit kami. Ngayon naman, biyaheng Sagada, Mt. Province ang aming naging biyahe.

Expect the Unexpected.

Saktong natapat ang aming lakad ng long weekend (Regular Holiday - Bonifacio Day), nawaglit sa aking isipan na Regular Holiday pala ang araw na iyon. Kaya expected na din namin na magiging crowded ang lugar na aming bibisitahin.

Expect the Unexpected! Sa bawat adventure o anumang bagay na ating tatahakin o tinatahak ay hindi laging smooth o pulido ang kalalabasan ng bawat plano. May mga bagay o pangyayari talaga sa ating buhay na wala sa ating control. Ang tanging magagawa lamang natin ay kung papaano tayo magre-react at tutugon sa bawat hindi maganda o kanais-nais na pangyayari sa buhay.

Mula Manila (Quezon City) ay bumiyahe kami patungong Sagada, medyo late na din kaming nakaalis dahil na din sa traffic. Makalipas ang ilang oras, ay narating namin ang Nueva Ecija ngunit sa hindi inaasahang pangyayari ay may aksidenteng naganap. Isang delivery truck ang tumaob sa kahabaan ng zigzag road patungong Nueva Vizcaya, kung hindi ako nagkakamali ay along Dalton Pass ito nangyari. Walang makadaan na mga sasakyan at ang iba ay pinili na lamang bumalik. May ilang ambulansya at pulis ang nagdatingan upang ma-secured ang lugar. Sana safe naman ang driver at ang mga pahinante na kasama niya. Mahigit ilang oras din kaming na stranded dito.

Buhat nang nasabing aksidente, ang unang araw sana namin sa Sagada na may naka-schedule na aktibidad ay naapektuhan. Sa madaling salita, nasira ang itinerary namin. Sa aking pagkakatanda, around 3:00 PM na yata namin narating ang Banaue, Ifugao (Welcome Arch) dahil na din sa mga stop overs namin. Bilang parte ng itinerary, ay saglit kaming nag-stop over dito.

Na-surprise kami, hindi lang dahil sa ganda ng lugar kung hindi dahil na din sa dami ng mga turista na patungong Sagada na tulad namin.

Daming tao.

Officemates. QA Team (Sanne, Micah, Janelyn, & Elise) Dev (Jasmine) and HR (Zarah). Parang nag-reunion lang sila.

What's new? An adventure with officemates! New experience! New story! Every new friend is a new adventure, the start of more memories. Sila ang mga bagong nakasama ko sa adventure na ito. Actually, sa ngayon naman talaga mga officemates ko ang madalas ko makasama sa lakwatsa.

Kaya madami pa ding pasaway dahil mababa pa din talaga ang parusa.

Smile! Jasmine, Micah & Elise

Supportive! Sen & Zarah

Hindi na din kami gaano nagtagal sa Banaue at agad na din kaming nagtungo sa Sagada. May kalayuan pa din kasi ito mula sa Banaue.

Inabot na kami ng gabi nang marating namin ang Sagada. Ang lamig, sobrang lamig! Sa totoo lang ito ang kinagustuhan ko sa Mt. Province. Bukod sa magagandang tanawin ay yung malamig na klima.

Bago pa man kami tumuloy sa aming accommodation ay nag-dinner muna kami sa Sagada Home Stay Restaurant. Panalo ang masarap at mainit na sabaw na ulam sa ganitong lugar ngunit dahil sa dami ng bisita ay naubusan kami noong mga oras na iyon. Kaya ang bagsak ko tuloy ay PorkSisiglog. Pero alam mo, masarap ah. Hindi lang ang PorkSisiglog na pagkain ko, maging ang iba pa nilang pagkain ayon sa aking mga nakasama. Kaya kung first time mo pa lang bibisita sa Sagada, maaari mong i-consider ang Sagada Home Stay Restaurant. Hindi naman ganun kamahal ang presyo ng pagkain pero worth it. Sabi nga ng mga kasama ko "Pop na Pop!" daw (Parang programa lang ni Kuya Tonipet Gaba na Pop Talk).

PorkSisiglog (Sarap!)

Mga nakangiti pero ang totoo mga gutom na ang mga 'yan!

Nasaan ang kamay mo Lix?

Matapos mag-dinner ay agad na kami nagtungo sa aming accommodation. Ang pangalan nga pala ng aming tinuluyan ay Sagada Trekkers Rest House (for your future reference just in case you will visit Sagada for the first time). Maayos naman ang aming tinuluyan, malinis at may sariling banyo. Maganda ang tanawin mula sa bintana at may bonfire place kung saan pwede kayo mag-socials.

Dahil mula work duty pa at naging mahaba ang biyahe ay pinili ko na lang ding magpahinga para sa magiging aktibidad namin kinabukasan. Samantalang ang iba kong mga kasama ay pinili pa nilang mag-socials bago magpahinga. Sa totoo lang tama nga naman, sulitin at enjoyin ang bawat moment.

Sarap matulog dito, ang lamig kasi!

Tanawin mula sa bintana. PS: Hindi dumi sa lente ng camera ko yung mga dots. Mga gagamba yan.

Kay sarap sa pakiramdam yung paggising mo sa umaga ay magandang tanawin agad ang mumulat sa iyo. Sa totoo lang, nung nagising ako hindi muna agad ako bumangon. Pinagmasdan ko lang yung tanawin mula sa bintana at bulong sa aking isipan na, "Salamat po Lord sa napakagandang araw."

Pansit Party! Dahil sa hindi inaasahang pangyayari ay nagpa-pansit sa aming mga joiners ang 5 Angels Travel and Tours. Libreng breakfast! Thanks Maám Kheyce! Alam naman namin na hindi talaga natin inasahan at ginusto ang nangyaring aberya.

Iba talaga kapag libre. Lahat napapangiti.

Let's go! Matapos mag-breakfast ay agad na kaming nagtungong Bomod-ok Falls. Bago pa man ang lahat, nagkaroon muna kami ng maikling orientation tungkol sa lugar na aming bibisitahin at ang mga paalala na bawal gawin katulad na lamang ng pagkakalat ng basura.

Ayon sa aming tour guide na si Nanay Linda (Linday, her Igorot name). Bomod-ok means "water pressure/big" (The Big Falls).

Established na ang trail papunta sa nasabing waterfalls dahil sa pahagdang sementado na ito. May ilang part din ng trail na dadaan kayo sa rice terraces. Ang ganda ng tanawin. Ang sarap ng hangin. Sariwang-sariwa ang simoy! At tila ba ang mga sunflowers na aming nadaanan ay masaya kaming sinasalubong sa daan. Katulad nga ng nasabi sa akin ni Sen, isa sa mga nakasama ko "Hahaba ang buhay mo kung sa ganitong lugar ka maninirahan." Tama, sang-ayon ako sa kanya dahil bukod sa simple lang ang pamumuhay ng mga tao dito ay makakatulong sa iyong peace of mind ang naggagandahang mga tanawin.

Ilang minuto din ang naging trek namin patungo sa nasabing waterfalls at talagang worth it ang lahat.

Joiners! Ang dami namin!

#TeamUncle

Janelyn

Jessa

Rice terraces going to Bomod-ok Falls

Scenic view along the trail.

Ayon sa aming tour guide, ito daw ay dating ginagamit sa small scale mining.

Sagada Kids

The rest of the team with Nanay Linda.

Nanay Linda, leading the trail.

Sunflowers everywhere!

Farmer doing work.

The Majestic Bomod-ok Falls

Team Uncle

Elise

Mahigit 45 minutes din kaming namalagi sa Bomod-ok Falls. Ang iba sa amin ay nagtampisaw pa dito. Ang sarap sa pakiramdam at sa mata na makita mo ng personal ang ganitong tanawin. Ang sarap sa tenga na marinig mo ang pagdausdos ng malamig na tubig mula sa itaas patungong ibaba. Ang sarap sa pakiramdam habang nakapikit ako ng mga oras na iyon. Talagang dinaramdam ko ang kapayapaan ng lugar.

Matapos ang masayang pagbisita namin sa Bomod-ok Falls ay nag-lunch muna kami bago magpatuloy sa aming adventure. Isang boodle fight ang naganap! Galit-galit muna!

Mag-groupie kayo basta ako kakain na!

Hindi pa pala natatapos ang aberyang pangyarari sa aksidenteng aming kinaharap sa zigzag road dahil matapos ang lahat, nasiraan naman ang aming van! Wala kaming nagawa kung hindi hintayin ang papalit na van. Mabait naman ang aming driver na si Sir Emil, mahinahon siyang kausap sa kabila ng pangyayari. Kahit papaano ay naintindihan naman ng mga kasama ko ang mga hindi inaasahang pangyayari.

Makalipas ang mahigit isang oras na paghihintay ay dumating na din ang pansamantala naming sasakyan na magdadala sa amin sa Sumaguing Cave. Sa totoo lang ay napagisip-isip ko na din noon na hindi ba masyadong late na para bisitahin ang lugar. Parang masyado ng risky dahil baka abutan na kami ng gabi doon, lalo't kuweba ang aming pupuntahan. Eksaktong 4:00 PM na noon nang marating namin ang Sumaguing Cave. Akala ko hindi na kami makakapasok sa loob dahil may note na naka-display sa labas ng tourist information office na hindi na pwedeng pumasok pero hanggang 4:00 PM pala yung cut-off para sa mga bisita. Mabuti na lamang ay umabot kami!

Matapos magpa-rehistro at magbayad ng mga dapat bayaran ay agad na kaming nagtungo. Nagkaroon muli kami ng orientation sa mga dapat at hindi dapat gawin sa loob ng kuweba. Adventure awaits!

Excited kaming lahat dahil isa ang Sumaguing Cave sa pinaka-highlight ng adventure. Hindi kumpleto ang pagbisita mo sa Sagada kung hindi mo mabibisita ang Sumaguing Cave. Masaya ako dahil ang dating nababasa ko lamang sa mga blog at napapanuod sa mga vlog ay nabisita ko na.

Kaso nga lang crowded ang kuweba noong mga oras na iyon dahil sa dami ng mga bisita. Sa mga first time na pupunta sa Sumaguing Cave ay i-expect niyo na mababasa at madudumihan kayo. Pero ang masasabi ko lang ay hindi ka magsisisi na bisitahin ang nasabing lugar dahil bukod sa maganda ay napaka-lamig pa ng tubig dito. Worth it ang pagod at magiging karanasan mo dito.

Unting pag-iingat lamang dahil may kadulasan ang mga bato dito. Gabi na nang kami ay makalabas sa kuweba. Marahil dahil sa pag-iingat na din namin sa daan at dahil na din sa traffic sa loob ng kuweba.

Tila napawi ng adventure naming ito sa Sumaguing Cave ang isang araw na nasayang dahil sa hindi inaasahang aberya. Worth it talaga!

Grabe! Akala mo blockbuster yung pinipilahan sa sinehan.

Dahil sa nakaraang insidenteng pagkakaroon ng sunog sa Kiltepan ay pansamantala muna itong isinara sa mga bisita.

Kilala ang Kiltepan dahil sa sunrise viewpoint nito with sea of clouds. At mas lalo pa itong nakilala dahil sa pelikulang "The Thing Called Tadhana."

Hindi man kami nakarating sa Kiltepan (isa sa mga rason kung bakit kailangang bumalik ng Sagada) upang masaksihan ang sunrise with sea of clouds ay may isang lugar naman kaming pinuntahan upang masaksihan din ang sunrise, ito ay ang Marlboro Hills (Kamanbaneng Peak o Marlboro Country).

Ang aga ng wake-up call noong araw na iyon upang maabutan namin ang sunrise with sea of clouds sa Marlboro Hills. Lulan ng isang jeepney ay dinala kami nito sa jump off. Siyempre hindi namin palalampasin ang experience na topload o sumakay sa ibabaw ng jeepney. Ang sarap ng hangin, ang lamig! Medyo madilim pa noong bumiyahe kami.

Mula jump off ay nag-trek kami patungong Marlboro Hills. Maayos naman ang trail at kahit sino ay kakayanin ito, may ilang parte lamang na kung maulan ay magiging maputik.

Sa jump off pa lamang ay madami na kaming nakasabay na patungo din sa pupuntahan namin. Sa ngalan lamang na masaksihan namin ang sunrise at maabutan ang sea of clouds ay nag-advance kami, binilisan namin ang paglalakad upang sa ganun ay hindi pa masyadong crowded ang lugar at mas ma-e-enjoy at maappreciate namin ang lugar.

Ngunit tila baga tumigil ang mundo namin noong matanaw namin ang crowd of people na mukhang pareho din ng nasa isipan namin. Biruan nga namin noon na hindi pala sea of clouds ang aming masasaksihan kung hindi "sea of crowd/people."

God Is Good All The Time! Nakisama sa amin ang panahon at aming nasaksihan ang sunrise with sea of clouds. How great is our God! Ang galing talaga ni Lord lumikha! Napakaganda ng tanawin. Ang ganda ng lugar. Ang sarap ng sariwang hangin. Ang sarap sa pakiramdam na malayo ka sa ingay ng modernong lungsod. Ang sarap sa pakiramdam na pansamantala kang nakatakas sa mga negatibong bagay.

Kay sarap pagmasdan ng mga magagandang tanawin. Maaaring isa ito sa mga way ni Lord na ipinaaalala niya sayo na sa kabila ng mga problema na iyong kinakaharap ay may pag-asa. There's hope in Jesus Christ!

How great is our God!

How wonderful!

How beautiful!

Your righteousness is like the highest mountains, Your justice like the great deep. Nothing compares to the promise I have in You.

Sea of People

Lix

Jessa

Bago pa man matapos ang aming Sagada adventure ay binisita din namin ang Echo Valley kung saan matatagpuan ang Hanging Coffins. Ayon sa aming tour guide (nakalimutan ko ang kanyang pangalan), animism (religious belief that objects, places and creatures all possess a distinct spiritual essence.) ang religion/belief ng kanilang mga ninuno. Ito ang traditional na kanilang paglilibing kung saan mas ligtas sa mga hayop at tao ang mga mahal nila sa buhay na yumao.

Ngunit bago pa man namin marating ang Echo Valley ay nadaan muna namin ang Public Cemetery ng Sagada kung saan nakalibing ang isa sa mga SAF 44 na nagbuwis ng buhay sa Mamasapano (Salute).

Kung sa atin, kandila ang inilalagay sa libingan ng mga yumao sa buhay. Sa Sagada, may tinatawag silang "Panag-apoy" kung saan imbis na kandila ang kanila ginagamit ay mga kahoy na kanilang sinusunog na nagsisilbing liwanag sa kanilang mga mahal sa buhay na yumao.

Yung nag-iisang puntod na may ibang kulay ay ang libingan ng isa sa mga SAF 44 na nagbuwis ng buhay sa Mamasapano.

Sagada Public Cemetery

The Hanging Coffins of Sagada

Sa panibagong karanasan na ito ay madami akong natutunan at natuklasan. Patience is a virtue. Isa sa mga natutunan ko ang mas maging mapag-pasensya at tignan o unawain ang mga bagay sa kabilang banda at hindi lamang sa isang side. See the bright side in every situation. Imbes na ma-stress ka sa mga bagay na wala ka namang control ay enjoyin mo na lamang ito. Remember every situation has a bright side. It just depends on your attitude and how you look at a situation.

Maraming Salamat Panginoon sapagkat naging masaya at successful ang adventure naming ito. Maraming Salamat din sa mga nakasama at bagong mga nakasama at higit sa lahat kina Ma'am Khayce ulit ng 5 Angels Travel and Tours. Hindi magiging matagumpay at masaya ang adventure na ito kung hindi naging matagumpay ang pagka-organize niyo sa lakad nating ito kabila ng mga hindi inaasahang aberya na nangyari.

PS. Thanks Jessa sa mga pictures sa Sumaguing Cave at sa iba pa mga kasama kong photographers. Ginamit ko mga pics niyo. Maraming Salamat!